မြန်မာနိုင်ငံမှာ ယခင့်ယခင် စစ်အစိုးရ လက်ထက်များကတည်းက ရှုထောင့်စုံ နေရာစုံ ကဏ္ဍစုံမှာ သက်ဆိုင်ရာ အာဏာပိုင်တို့နဲ့ ဝေစား မျှစားတတ်တဲ့ လူအုပ်စု တစ်စု ရှိခဲ့ပေသည်။ ထိုသူများကို ခရိုနီ (ခေတ်ပျက်သူဌေး) များဟု လူသိများလေသည်။

ထိုခရိုနီများသည် လူမျိုးတိုင်း၊ ဘာသာဝင်တိုင်းတွင် သီးသန့် အခွင့်ထူးခံ လူတန်းစားတစ်ရပ်အဖြစ် ရှိနေခဲ့ပြီး အစ္စလာမ်ဘာသာဝင်များတွင်လည်း ရှိနှင့်ပြီး ဖြစ်ပေသည်။

အစ္စလာမ်ဘာသာဝင်များတွင်လည်း ဆောက်လုပ်ရေး၊ ကူးသန်းရောင်းဝယ်ရေး၊ စိုက်ပျိုးရေး၊ မွေးမြူရေး၊ ကူးသန်းရောင်းဝယ်ရေး အစရှိသည့် ရှုထောင့်ကဏ္ဍတိုင်းတွင် ခရိုနီခေတ်ပျက်သူဌေးတို့ ပေါင်းစားခဲ့ကြသည်။

တစ်ဦးအပေါ်တစ်ဦး စီးပွားရေးကို အခြေခံအားပြိုင်ပြီး ခတ်ခဲ့၊ ခွပ်ခဲ့ကြသည်။ ဘ၀ပျက်သူများလည်း ပျက်ခဲ့ကြသည်။ ကောင်းစားသူများလည်း ရှိခဲ့ကြသည်။ ခရိုနီတို့သည် တစ်ဖက်တွင် စစ်အာဏာရှင်နှင့် ပူးပေါင်း၍ မိသားစုတစ်သိုက်၊ ဆွေးမျိုးတစ်သိုက် ကောင်းစားရေးအတွက် လုံးပန်းခဲ့ခြင်းကြောင့် အမည်ပျက် သိက္ခာမဲ့ကာ မျက်နှာငယ်ခဲ့ကြသည်။

ထိုသူတို့အတွက် ငွေသည် ရေကဲ့သို့ ထွက်သော်လည်း၊ သိက္ခာဟူသည် ရွှေထက်ပင် ရှားလောက်အောင် ရှာဖွေခဲ့ကြရသည်။ ထို့ကြောင့် မိမိတို့ပိုင်ဆိုင်မှုတို့ကို သိက္ခာနှင့် အလဲအလှယ် လုပ်လေ့ရှိကြသည်။ ခရိုနီ အများစုသည် ဟိုအဖွဲ့ သည်အဖွဲ့ ဟိုအုပ်စု သည်အုပ်စုတို့အဖြစ် မိမိဖာသာတည်ထောင်၍လည်းကောင်း၊ မောင်ပိုင်စည်းခြင်းဖြင့်လည်းကောင်း နေရာလုယူကာ မိမိတို့သိက္ခာရရှိရေးအတွက် နေရာယူတတ်ခဲ့ကြသည်။နေရာနှင့်လိုက်ဖက်စွာ စီးပွားရေးကို အမြတ်ထုတ်တတ်ခဲ့ကြသည်။

တရားသောစီးပွားရေး၊ မတရားသောစီးပွားရေး (တစ်နည်း ဟလာလ် ဟရာမ်) မခွဲတော့၊ လူအများရဲ့မျက်နှာကို မထောက်တော့ဘဲ မိမိအတ္တအတွက် ရသမျှကို သိမ်းပိုက်ခဲ့ကြသည်။

ထိုသူတို့သည် နှစ်ပေါင်းများစွာကတည်းက အခြားအရေးများတင်သာမက ဘာသာရေးဆိုင်ရာ လုပ်ငန်းစဉ်များတွင်ပါ ၀င်ရောက်စွက်ဖက်၍ ကိုယ်ကျိုးစီးပွား ရှာခဲ့ကြသည်။ အထင်ရှားဆုံးမှာ ဟဂ်ျခရီးစဉ် အကျိုးဆောင်မှုများပင် ဖြစ်ပေသည်။

ဟဂ်ျဟူသည် အစ္စလာမ်ဘာသာ၏ ပဉ္စမမြောက် မဏ္ဍိုင်ကြီးဖြစ်ပြီး တတ်နိုင်သူများအတွက် မဖြစ်မနေ လုပ်ဆောင်ရမည့် တာဝန်ကြီးတစ်ရပ် ဖြစ်ခြင်းကြောင့်၊ မွတ်စ်လင်မ်များအနေဖြင့် ယင်းကိစ္စအား ရှောင်လွှဲ၍ မရနိုင်ပေ။

ယင်း ဟဂ်ျတာဝန်အတွက် နိုင်ငံတကာတွင် ငွေကြေးချမ်းသာသူများက ဟာဂျီများအဆင်ပြေစေရေးအတွက် ၀န်ဆောင်မှုကောင်းအောင် အပြိုင်အဆိုင် လုပ်ဆောင်ကာ လုယက်၍ ကူညီနေကြချိန်တွင် မြန်မာနိုင်ငံမှ အရှိန်မသေသေးသော ခရိုနီတို့က အလုအယက်ဖြင့် စားခွက်ကြီးတစ်ခုပမာ ၀ိုင်းလုနေကြပေသည်။

နှစ်စဉ် ထိုသို့လုယက်သည့် ကာလတစ်ခုရောက်တိုင်း ဆူညံပွက်လော ရိုက်လေ့ရှိကြသည်။ ထိုနေရာများတွင် တရားခြင်း၊ မတရားခြင်းဟူသည်အား မသိ မမြင်နိုင်တော့ဘဲ ရုပ်ပျက်ဆင်းပျက်ဖြစ်သည်အထိ ကိုက်ကြ ခွေ့ကြလေ့ရှိသည်။ ယခုနောက်ပိုင်းနှစ်များတွင် နှစ်စဉ်လိုလို ခပ်စိတ်စိတ် ဖြစ်လာရပြီး အဝေမတည့်ခြင်းကြောင့် နစ်နာရသူမှာ မွတ်စ်လင်မ်လူထုသာ ဖြစ်ခဲ့ရသည်။အပြိုင်အဆိုင် အစွယ်ထုတ်၊ အသံပေးကာ အမိအရ လုယူခဲ့ကြသည်။ အခွင့်သာသလို ရသမျှ အခွင့်အရေးများကို ကိုက်ဆွဲလုယက်ခဲ့ကြသည်။

ယခုနှစ်တွင် မီဒီယာများကလည်း ဟဂ်ျလောကသို့ ၀င်ရောက်လာကြလေပြီ။ မိမိတို့ လိုရာကို သတင်းဦး သတင်းထူးအဖြစ် ဖော်ပြ၍ မွတ်စ်လင်မ်များအကြား ရေပန်းစား ကျော်ကြားစေခဲ့သည်။ နှစ်ဖက်ပြိုင်ဆိုင်မှုအတွင်း တစ်ဖက်ကို ၀င်မရပ်မိဖို့ အရေးကြီးလှပေသည်။ မီဒီယာတို့သည် သတင်းဦးခြင်းထက် သတင်းပီသခြင်း သတင်းလက္ခဏာ ပြည့်စုံခြင်းကို တန်ဖိုးထားကြဖို့ အရေးကြီးလှပေသည်။

ယခု ရက်ပိုင်း သတင်းများတွင် ဟဂ်ျခရီးစဉ်နှင့်ပတ်သက်၍ သတင်းများ ဝေေ၀ဆာဆာ ထွက်ပေါ်လာခဲ့ပြီး ရှုထောင့်မျိုးစုံဖြင့် တင်ပြလာကြသည်။ တင်ပြမှုများတွင် ကွဲလွဲချက်များ ရှိနေသည်။ မိမိတို့ လုပ်ထုံးလုပ်နည်းများနဲ့အညီ လုပ်ကိုင်ဆောင်ရွက်မှုအတွက် မည်သည်ကိုမှ ဝေဖန်မှု မပြုလိုသော်လည်း တစ်ဖက်ကို စောင်းပေး၍ အခြားတစ်ဖက်ကို ထိခိုက်နစ်နာစေနိုင်သည့် တင်ပြခြင်းတို့အား ရှောင်ရှားကြစေလိုသည်။

အချုပ်ပြောလိုသည်ကတော့ ခရိုနီတို့သည် ဟိုးအရင်ကတည်းက ခြေရှုပ်ခဲ့ကြသည်။ ယနေ့ခေတ်တွင် ပို၍ ရှုပ်လာကြသည်။ အရှုပ်တော်ပုံများကို ပုံပျက်ပန်းပျက်နိုင်စွာ ကျူးလွန်လာကြချိန်တွင် မီဒီယာတို့သည်လည်း ၀င်ရောက်၍ အသုံးချခံမဖြစ်သွားဖို့ အရေးကြီးလှပေသည်။ မိမိတို့ ပရိသတ်တိုးပွားရေးအတွက်လည်း သတင်းတွေ ဝေဆာစွာ တင်ပြမှုများအတွင်း တစ်ဖက်ကိုထိုး တစ်ဖက်ကိုပိုး ဟူသောပုံစံများ မဖြစ်ရေး ရှောင်ရှားကြစေလိုသည်။ လူထုအတွက် စေတနာရှိစွာ လုပ်ဆောင်စေလိုသည်။ မီဒီယာသည် ကြားတွင် ရပ်တည်ရသည် မှန်သော်လည်း အမှန်တရားပေါ်တွင် ရပ်တည်တတ်မှ လူထုအပေါ် အကျိုးပြုခြင်းနဲ့ မီဒီယာပီသခြင်း မည်ပေလိမ့်မည်။

ဟဂ်ျခရီးစဉ်နဲ့ပတ်သက်ပြီး အသံမျိုးစုံကို ဆိုင်ရာတို့က ကိုယ်စီ ထုတ်လာကြသည်။ ဟဂ်ျခရီးစဉ်၏ အချိန်နီးကပ်လာသည်နှင့်အမျှ တစ်လိမ် နှစ်လိမ် ပွေလိမ်ရှုပ်ခြင်းကလည်း ကြီးထွားလာရလေပြီ။ ဘာသာရေးအဖွဲ့အနေဖြင့်လည်း တစ်နှစ်ပြီးတစ်နှစ်သာ ပြောင်းလာခဲ့ရပြီး ထူးခြားသည့် ပြောင်းလဲခြင်းမျိုး သိပ်မရှိလှသော်လည်း ဟဂ်ျခရီးစဉ်နှင့်ပတ်သက်၍တော့ နှစ်စဉ် အပြောင်းအလဲများကို ၀ီရိယရှိရှိ လုပ်လေ့ရှိသည်။ ယခုနှစ်တွင် မြန်မာမွတ်စ်လင်မ် ပြည်သူများအပေါ် ဂုတ်သွေးစုပ်ခြင်းကြောင့် အဆမတန်ကြီးမားလွန်းနေသည့် ဟဂ်ျဈေးနှုန်းများကိုတော့ လျှော့ပေါ့သွားစေရေး အပြောင်းအလဲကြီးအတွက်ကိုလည်း ဘာသာရေးအဖွဲ့ဆိုသူတို့အနေဖြင့် လုပ်ဆောင်ပေးကြဖို့ အများမွတ်စ်လင်မ်တို့ကိုယ်စား တိုက်တွန်းလိုက်ရပေသည်။

ခေဋီဈက်အို | အလင်းမျက်ဝန်း