July 2014

ဝမ်းနည်းမှတ်တမ်း Aboalimosa Afghanistan Al-Afasy Austria Bahrain Bangladesh Canada Chad China Cuba Egypt Eid France Germany Google Greece Hollywood HRW IDU India Indonesia Iqbal Hossain Jibon Iran Iraq IS Israel Italy Japan Jordan Kuwait Lebanon Libya Lindsay Lohan Maher Zain Malaysia Maldives Mauritius Mexico Myanmar Nigeria OIC Oman Omar Esa Oscar Pakistan Palestine PEW Philippines Portugal Qatar Russia Saudi Arabia Scotland Senegal Singapore Somalia South Africa Spain Sri Lanka Sudan Sweden Switzerland Syria Thailand Tunisia Turkey UN United Arab Emirates United Kingdom United States of America Venezuela Video Vietnam Yemen ကဗျာ ကမ္ဘာ့သတင်း ကာတွန်း ကုရ်အာန် ကုလသမဂ္ဂ ကလေးသူငယ် ကျန်းမာရေး ငလျင် စပိန် စာပေမျက်ဝန်း စီးပွားရေး တူနီးရှား တူရ်ကီ ဒန်း ဒီနီယသ် ဓာတ်ပုံသတင်း နည်းပညာ နယ်သာလန် နာရေးအသိပေး ပညာရေး ပါကစ္စတန် ပါလက်စတိုင်း ပျဉ်းမနား ပျိုမေမွတ်စ်လင်မ် သြစတေးလျ ဗိုလ်အောင်ကျော်လမ်းဗလီ မက္ကဆီကို မင်္ဂလာတောင်ညွန့် မွတ်စလင်မ်သတင်း မိတ္ထီလာ မိန့်ခွန်း မန္တလေး ယူနက်စ်ကို ပြင်သစ် ပြည်တွင်း မြန်မာ့သတင်း ရခိုင် ရင်ဖွင့်လွှာ ရန်ကုန် ရမသွာန် ရရှား ရသအလင်း ရိုမေးနီးယား လစ်ဗျား လသတင်း ဝတ္ထု ဝမ်းနည်းမှတ်တမ်း သတင်း သတင်းတို သဘာဝပတ်ဝန်းကျင် သိပ္ပံ သိပ္ပံ/ပညာ သုခဘုံလမ်းညွှန် သုခုမမျက်ဝန်း သုတမျက်ဝန်း သုတအထွေထွေ ဟဂ်ျ ဟဒီးဆ်မျက်ဝန်း ဟလာလ်စားသောက်ဖွယ် အင်္ဂလန် အင်ဒိုနီးရှား အစ္စလာမ်ဘာသာရေးအဖွဲ့ကြီး အစ္စလာမ်နှင့်မီဒီယာ အစ္စရေး အထိမ်းအမှတ်နေ့ အထူးအစီအစဉ် အမျိုးသမီး အယ်ဒီတာ့မျက်ဝန်း အရဗီဘာသာစကားနေ့ အားကစား အာဖဂန် အာဖရိက အာဘော် အိုမန် အိုလမာ အိန္ဒိယ အီဂျစ် အီရတ် အီရန် အူရ်ဒူ အတွေးအမြင် အမေရိကန် အမေးအဖြေ အရှေ့အလယ်ပိုင်း အနုပညာ ဥရောပ ဆောင်းပါး ဆော်ဒီ တောင်တွင်းကြီးမြို့ နေပြည်တော် ပျော်ဘွယ် ဖျော်ဖြေရေး ကြေငြာချက် ကြော်ငြာ မေးမြန်းအဖြေရှာ နိုင်ငံတကာ နိုင်ငံခြား

မြန်မာမွတ်စ်လင်မ် လူငယ်များ၏ အပျော်တမ်းအဖြစ် ဆောင်ရွက်ခဲ့သည့် အလင်းမျက်ဝန်းမှာ မကြာမီတွင် ၂ နှစ်သားအရွယ်သို့ပင် ရောက်ရှိလာရပါတော့မည်။

အလင်းမျက်ဝန်းသည် မည်သည့်အဖွဲ့အစည်း မည်သည့် အထောက်အပံ့ကိုမျှ ရယူ၍ ဆောင်ရွက်ခဲ့ခြင်း မဟုတ်ဘဲ ယနေ့အချိန်ထိ လူငယ်များ စုပေါင်းညီညွတ်စွာဖြင့် ၀ိုင်းဝန်းကာ လုပ်အားပေး ဆောင်ရွက်နေကြသည့် အပျော်တမ်း ဘလော့ဂ်စာမျက်နှာသာ ဖြစ်ပါသည်။

အလင်းမျက်ဝန်းတွင် အရောင်အသွေးစုံသည့် လူငယ်များစွာက ၀ိုင်းဝန်း၍ လုပ်အားပေး ဆောင်ရွက်နေကြရာဝယ် အိုင်တီနယ်ပယ်မှ လူငယ်များ၏ အင်အားဖြင့် Android Mobile Apk တစ်ခုကို အကောင်းဆုံးဖြစ်စေရန် အချိန်ယူ ပြင်ဆင် ထုတ်လုပ်ခဲ့ပြီး မိဘပြည်သူများ လွယ်ကူစွာ ရယူနိုင်ရန်အတွက် ဇူလိုင်လ (၂၅) ရက်နေ့မှစတင်၍ Google Play Store ပေါ်မှတစ်ဆင့် Google ကုမ္ပဏီ၏ ခွင့်ပြုချက်ဖြင့် ကမ္ဘာအ၀ှမ်းသို့ တရားဝင် ဖြန့်ချိလိုက်ပါသည်။

ယခု အသစ် ဖြန့်ချိပေးလိုက်သည့် apk ၏ အမည်မှာ Mubarak (လက်ဆောင်မွန်) ဟူ၍ဖြစ်ပြီး ယခင်ကရှိခဲ့သည့် ပုံစံထက် စိတ်ကျေနပ်ဖွယ်ကောင်းသည့် ဒီဇိုင်းအသွင်အပြင်ပေါင်းများစွာကို လက်ဆောင်ဟူသည့်အမည်နှင့်အညီ ထူးခြားဆန်းသစ်မှုများဖြင့် မြင်တွေ့ရမည် ဖြစ်ပါသည်။

စိတ်လှုပ်ရှားဖွယ် ကောင်းလှသည့် အလင်းမျက်ဝန်း၏ လက်ဆောင် ဗားရှင်းကို ဆက်လက်၍ လိုသလို Update (အဆင့်မြှင့်တင်ခြင်း) များ ပြုလုပ်သွားအုံးမည်ဖြစ်ပြီး ယခုဗားရှင်းမှာတော့ ယခင်ကလို စာတစ်ခုတည်းတင် မဟုတ်တော့ဘဲ မိဘပြည်သူတို့အတွက် ဗဟုသုတများ တိုးပွားနိုင်စေမည့် ရုပ်သံများကိုပါ ကြည့်ရှုနိုင်တော့မည် ဖြစ်ပါသည်။

မြန်မာမွတ်စ်လင်မ်တို့အတွက် သမိုင်းဝင် အစ္စလာမ့်မီဒီယာများဖြစ်ခဲ့သော "ကမ္ဘာ့အလင်း" "အစ္စလာမ့်အလင်း" "အစ္စလာမ့်မျက်ဝန်း" တို့၏ အမည်များကို တန်ဖိုးထား အသိအမှတ်ပြုသောအားဖြင့် ယင်းအမည်များကို အခြေပြုကာ "အလင်းမျက်ဝန်း" ဟူ၍ မှည့်တွင်ခဲ့သည့် အလင်းမျက်ဝန်း၏ သမိုင်းကြောင်းအချို့ကိုပါ Apk နှင့်အတူတွဲ၍ Description တွင် ဖော်ပြထားသည်ကိုလည်း Google Play Store ပေါ်တွင် လေ့လာနိုင်အောင် စီစဉ်ထားပါသည်။

အလင်းမျက်ဝန်းမှ လူငယ်များ၏ ထူးခြားချက်မှာ အလင်းမျက်ဝန်းကို နိုင်ငံ့အကျိုး၊ သာသနာ့အကျိုးကို တစ်ထောင့်တစ်နေရာမှ အုပ်တစ်ချပ် သဲတစ်ပွင့်အဖြစ် နိုင်သမျှ ထမ်းဆောင်လိုခြင်းသာဖြစ်ပြီး အလင်းမျက်ဝန်းကိုမှီ၍ မိမိတို့အကျိုးအမြတ်ကို ထုတ်ယူသူများ မဟုတ်ကြဘဲ မိဘပြည်သူများအတွက် အကျိုးဖြစ်ထွန်းမှုများ တိုးပွား ကြုံကြိုက်လာရတိုင်း ပီတိဖြစ် ၀မ်းမြောက်မှုများသာ အားဆေးများသဖွယ် အသုံးပြုခဲ့ကြခြင်း ဖြစ်ပါသည်။

အလင်းမျက်ဝန်းမှ သတင်းရေးသူများကို ငွေကြေးထုတ်ပေးခဲ့ခြင်း မရှိသလို၊ သတင်းပေးသူများကိုလည်း ငွေကြေး မထောက်ပံ့ခဲ့ဖူးပါ။ အားလုံး စိတ်ဓာတ် စေတနာ သန့်ရှင်းစွာဖြင့် စုပေါင်းဆောင်ရွက်ခဲ့ကြခြင်းဖြစ်လို့ စေတနာအကျိုးပေး တန်ပြန်သက်ရောက်ခြင်း သဘောတရားအရ ယခင်ထုတ်ဝေခဲ့သည့် ဗားရှင်းအဟောင်းကို သောင်းပေါင်းများစွာသော သူများက Google Play Store ပေါ်မှ တရားဝင် ရယူ အသုံးပြုခဲ့ကြသလို၊ ပြင်ပတွင် နီးစပ်ရာ လက်ဆင့်ကမ်းခြင်းများကလည်း အရေအတွက်ပေါင်းများစွာ ရှိခဲ့ပေသည်။

ယနေ့တွင် အလင်းမျက်ဝန်းသည် မြန်မာမွတ်စ်လင်မ်တို့အတွက် နားမျက်စေ့တစ်ခုအဖြစ် ရပ်တည်၍ မတရားမှုများကို အပြုသဘောဆောင်၍ ဖော်ထုတ်တင်ပြခြင်းများ ပြုလုပ်နေပါသည်။ ထိုသို့တင်ပြရာတွင် စိတ်သဘောချင်း မတိုက်ဆိုင်မှုများလည်း ရှိကောင်းရှိနိုင်ပေလိမ့်မည်။ စေတနာ အမှားများလည်း ရှိကောင်း ရှိခဲ့ပေလိမ့်မည်။ ထိုသို့သော အရာများကို မိမိတို့၏ သားရင်းသမီးရင်းများသဖွယ် စာနာခြင်းဖြင့် ခွင့်လွှတ်၍ မည်သူမဆို ပဲ့ပင်ဆုံးမနိုင်ပါသည်။

အလင်းမျက်ဝန်း၏ ပင်မ ရည်ရွယ်ချက်သည် မိမိတို့ချစ်သော ပြည်ထောင်စု သမ္မတ မြန်မာနိုင်ငံတော်ကြီးအား ထာဝစဉ် ငြိမ်းချမ်း သာယာ ၀ပြောစေလိုပြီး၊ ငြိမ်းချမ်းရေးကို အခြေခံသည့် အစ္စလာမ်ဘာသာအား အထင်အမြင် လွဲမှားနေမှုများကို နားလည်မှုရှိလာစေရေးနှင့် အစ္စလာမ်ဘာသာဝင် ပီသစွာဖြင့် လောကအကျိုး သယ်ပိုးလာကြစေရန် ထိန်းကျောင်းပဲ့ပြင်ရေးတို့သာ ဖြစ်ပေသည်။

ထိုသို့သော အကြောင်းချင်းရာသုံးခုအတွက် အနှောင်အဖွဲ့ကင်း၍ စိတ်စေတနာ ဖြူစင်စွာဖြင့် ကိုယ်ကျိုးမကြည့်ဘဲ လုပ်ဆောင်မည့် မည်သည့်အုပ်စု၊ မည်သည့်ပုဂ္ဂိုလ်နှင့်မဆို လက်တွဲရန် အလင်းမျက်ဝန်းမှ အသင့်ရှိပါသည်။

ထို့ကြောင့်ပင် တိုင်းပြည် တည်ငြိမ်ရေးကို မလိုလားသည့် ပြည်တွင်း ပြည်ပမှ လူပုဂ္ဂိုလ်နှင့် အုပ်စုတစ်ချို့၏ လုပ်ရပ်များကို အလင်းမျက်ဝန်းမှ ပြတ်ပြတ်သားသား ထောက်ပြခဲ့ခြင်းများ ရှိခဲ့ပေသည်။ ထိုသို့ထောက်ပြခြင်းကြောင့် အလင်းမျက်ဝန်းအား အစိုးရ၏ လက်ကိုင်တုတ်သဖွယ် ပုံဖော် ၀ါဒဖြန့် အသရေ ဖျက်ခြင်းဒဏ်ကို အလူးအလဲ ခံစားခဲ့ရပေသည်။ ထို့အတူ ရံဖန်ရံခါ ပြည်သူတို့၏ နစ်နာခြင်းများနှင့် ခံစားချက်များကို တင်ပြခဲ့ခြင်းများကြောင့် သက်ဆိုင်သူ အစိုးရ၀န်ထမ်းအချို့မှလည်း အလင်းမျက်ဝန်းကို ငြိုငြင်ကောင်း ငြိုငြင်ကြပေလိမ့်မည်။

အလင်းမျက်ဝန်းသည် ငြိမ်းချမ်းသာယာ ၀ပြောရေးနှင့် အစ္စလာမ်ဘာသာအပေါ် အကောင်းမြင်သည်ဆိုပါက ပြည်ခိုင်ဖြိုးပါတီဘက်မှ ရပ်တည်ခဲ့ပြီး၊ ငြိမ်းချမ်းသာယာမှုနှင့် အစ္စလာမ်အပေါ် အပျက်သဘောဆောင်သည့် အမျိုးသားဒီမိုကရေစီပါတီဝင်များ၏ လုပ်ရပ်များကိုလည်း အနု၊ အကြမ်းမျိုးစုံဖြင့် ထောက်ပြရေးသားခဲ့ဖူးပေသည်။ ထို့အတူ မွတ်စ်လင်မ်အများစုမှ အားမလို အားမရဖြစ်နေရသည့် အစ္စလာမ်ဘာသာရေးအဖွဲ့ကြီး၏ အများအကျိုးပြု လုပ်ရပ်များအတွက်လည်း အကောင်းမြင်ပေးခဲ့ပြီး၊ အများအတွက် အကျိုးမဲ့စေသည့် လုပ်ရပ်များအတွက်လည်း ထိုအဖွဲ့ကြီးအပါအ၀င် အဖွဲ့ဝင်များအား ပြတ်ပြတ်သားသား ထောက်ပြခဲ့ဖူးပေသည်။

အများအကျိုးကို အကြောင်းပြ၍ မိမိတို့ တစ်ကိုယ်ကောင်းစာအတွက် လုပ်စားနေကြသည့် အဖွဲ့သေး၊ အဖွဲ့ကြီးနှင့် လူပုဂ္ဂိုလ်များ အပါအ၀င် မီဒီယာအမည်ခံထားသူများသည် အလင်းမျက်ဝန်းအား တစ်ဖက်အမြင်မှနေ၍ အမျက်ထွက်ခဲ့ကြပေသည်။ မြန်မာပြည်သူအများစု လက်မခံသည့် 969 အမျိုးသားရေး လှုပ်ရှားမှုဘက်သို့ အားသန်နေသည့် ပုဂ္ဂိုလ်များကလည်း တစ်ဖက်မှကြည့်၍ အလင်းမျက်ဝန်းကို မုန်းတီးကြပေသည်။ အစ္စလာမ်ဘာသာဝင် မပီသသည့် လုပ်ရပ်များကို လုပ်ကိုင်နေသူများမှလည်း အလင်းမျက်ဝန်းကို ခြိမ်းခြောက်ခြင်းများ ရှိခဲ့ပေသည်။

အလင်းမျက်ဝန်းသည် ပတ်ဝန်းကျင်၏ အတွန်းအတိုက်ဒဏ်ကို အလူးအလဲခံ၍ လျှောက်လှမ်းလာသည်မှာ (၂) နှစ်သားဘ၀ပင် မကြာမီ ရောက်ရပေတော့မည်။ သို့သော်လည်း အလင်းမျက်ဝန်း ၀ိုင်းတော်သားတို့သည် အစွန်းနှစ်ဖက်ကြား ကြိုးတန်းပေါ်တွင် ပီတိကိုစား၍ အားဖြစ်ကာ လျှောက်လှမ်းနေကြဆဲပင် ဖြစ်ပေသည်။

အလင်းမျက်ဝန်းမှလည်း ငွေကြေးတတ်နိုင်သည့် အုပ်စုတွေ၊ အဖွဲ့အစည်းတွေလို နှစ်ပတ်လည်၊ လပတ်လည် အစီအစဉ်များကို ပျော်ပွဲရွှင်ပွဲများဖြင့် ခမ်းခမ်းနားနား ဆင်ယင်ကျင်းပလိုသည်။ ၀ိုင်းဝန်းပူးပေါင်း လက်တွဲနေကြသူများကိုလည်း ထိုက်တန်သည့် လက်ဆောင်ပဏ္ဍာများပေးလိုသည်။ ပြုလုပ်သည့် ပွဲများသို့ နိုင်ငံတော်လူကြီးများ၊ ပါတီလူကြီးများ၊ ဘာသာရေးလူကြီးမင်းများကို ဖိတ်ကြား၍ အားပေးချီးမြင့်စေလိုသည်။ အလင်းမျက်ဝန်းကို အားပေးနေသည့် မိဘပြည်သူများကိုလည်း မေတ္တာလက်ဆောင်များ ပလူပျံနေအောင် ပေးကမ်းလိုပါသည်။

ဤသည်တို့မှာ စိတ်ကူးယဉ်မျှသာ ဖြစ်သည်။ အလင်းမျက်ဝန်းတွင် ယုံကြည်ချက်ဖြင့် ၀ိုင်းကူနေသူများသည် တစ်နေ့တစ်ခြား ဆုတ်ယုတ်ခြင်းတို့သာ ရှိလေသည်။ မိဘပြည်သူများသို့ မိမိတင်ပြစေလိုသည့် အကြောင်းအရာတစ်ခု၏ ကုန်ကျမှုတို့အတွက် မိမိအိတ်ထဲမှသာ ထုတ်ယူရခြင်းကြောင့် ထိုကဲ့သို့သော အစီအစဉ်ကြီးသည် ကောင်းကင်ပေါ်က လမင်းကြီးကို တမ်းတရသကဲ့သို့သာ ဖြစ်နေပေလိမ့်အုံးမည်။

သို့သော်လည်း မိမိတို့၏ စိတ်ရင်းစေတနာမှန်တို့ဖြင့် မိဘပြည်သူများအတွက် ပိုမိုကောင်းမွန်သည့် Android Apk တစ်ခုကိုတော့ လက်ဆောင်အဖြစ် ဆက်သလိုက်ရပါသည်။ မိဘပြည်သူတို့အတွက် အတော်အတန် အကျိုးပြုနိုင်မည်ဟု ယုံကြည်မျှော်လင့်မိပါသည်။ မကြာမီတွင်လည်း IOS App တစ်ခုကို မိဘပြည်သူတို့ထံ ထပ်မံ၍ ဆက်သသွားပါအုံးမည်ဟု ကတိပြုလိုက်ရပါသည်။

အလင်းမျက်ဝန်း


အလင်းမျက်ဝန်း၏ Mubarak (လက်ဆောင်) Version အား Google Play Store တွင် ရှာဖွေလိုပါက အင်္ဂလိပ်ဘာသာဖြင့် Alinn Myat Wunn ဟူ၍ဖြစ်စေ၊ မြန်မာဘာသာဖြင့် အလင်းမျက်ဝန်း ဟူ၍ဖြစ်စေ ရိုက်နှိပ်ကာ ရှာဖွေနိုင်ပါသည်။

တိုက်ရိုက်သွားရောက်လိုပါက ဤလင့်ကို ကလစ်နှိပ်၍ ဖြစ်စေ၊ QR ကို Scan လုပ်၍ဖြစ်စေ သွားရောက်နိုင်ပါသည်။

» https://play.google.com/store/apps/details?id=info.teol_mm

၂၀၁၄ ခုနှစ်၊ ဇူလိုင်လ (၁) ရက်နေ့ညနေပိုင်းအချိန်က စတင်ပြီး ဖြစ်ပွားခဲ့သော မန္တလေးမြို့တွင်း ဘာသာရေးအကြမ်းဖက်မှုများအတွက် ဘယ်သူ တာဝန်ရှိလဲဟူသော မေးခွန်းကို မေးလိုက်မည်ဆိုပါက မန္တလေးမြို့ပေါ်ရှိ စာတတ်သော ကလေးတွေပင် ဖြေဆိုကြမည့်စကားလုံးမှ သစ်ထူးလွင်ဝဘ်ဆိုက်ဟူ၍ ဖြစ်ပါလိမ့်မယ်။

သစ်ထူးလွင်ပြီးရင် ဘယ်သူတွေမှာ တာဝန်ရှိလဲဆိုပါက သစ်ထူးလွင်က တင်ပေးလိုက်သော လှုံ့ဆော်သည့် သတင်းတစ်ပုဒ်ကို ထပ်မံပြီး ဖြန့်ဝေကြသော မိမိကိုယ်မိမိ အမျိုးသားရေး သူရဲကောင်းကြီးတွေအဖြစ် ပုံဖော်နေသည့် အင်တာနက်ပေါ်မှ လှုံ့ဆော်ရေးသမားတွေပဲ ဖြစ်ပါလိမ့်မည်။

၎င်းတို့က ဒီသတင်းတစ်ပုဒ်ကို ရည်ရွယ်ချက်ရှိရှိ တင်ပေးခဲ့၊ ဖြန့်ဝေခဲ့ခြင်းကြောင့် ဆူလွယ်နပ်လွယ်သော လူထုကို အကြမ်းဖက်ရေး၊ ဆူပူ လုယက် ဖျက်ဆီးရေးဆီသို့ ဦးတည်နိုင်ခဲ့ကြပြီး ဒီနေ့မှာတော့ အပြစ်မဲ့ပြည်သူတွေရဲ့ အသက်သေဆုံးခြင်းများပါ ရှိလာနေပါပြီ။

အခုဖြစ်လာနေတာဟာ လူမျိုးရေးလဲ မဟုတ်၊ အမျိုးသားရေးလဲ မဟုတ်ဘဲ ဘာသာရေးအကြမ်းဖက်မှု သက်သက်သာဖြစ်နေတယ်လို့ ရှုမြင်ပါတယ်။ မိမိတို့ရဲ့ ချွေးနည်းရေစာနဲ့ ရှာဖွေထားသမျှကို လွယ်လွယ်ကူကူပဲ အကြမ်းဖက်ကြ၊ ဖျက်ဆီးခံနေရတဲ့အချိန်၊ လုံခြုံရေးအတွက် တာဝန်အရှိဆုံးသော အစိုးရနဲ့ ရဲတပ်ဖွဲ့တွေဟာ အကြမ်းဖက်ခံရသူတွေဘက်က လုံလောက်တဲ့အကာအကွယ်မပေးခဲ့ကြလို့ မွတ်စ်လင်မ်များဟာ မိမိအသက်အိုးအိမ်စည်းစိမ်အတွက် ကလေးသာမက သက်ကြီးရွယ်အိုများပင် အိမ်ရှေ့ထွက်ပြီး ကာကွယ်ကြရပါသည်။

အဆိုးရွားဆုံးကတော့ လမ်းပေါ်ထွက်ပြီး ပေါ်တင် ရမ်းကားနေတဲ့သူတွေကို လုံခြုံရေးတာဝန်ရှိတဲ့ ရဲတပ်ဖွဲ့ဝင်များက ဟန့်တားခြင်းမရှိဘဲ တစ်ချိန်လုံး ရပ်ကြည့်နေခဲ့ကြပြီး၊ လက်လွန်ခြေလွန်ဖြစ်လာတဲ့အပေါ် မွတ်စ်လင်မ်တွေအနေနဲ့ မိမိတို့ အသက်အိုးအိမ် စည်းစိမ်လုံခြုံရေးအတွက် ပြန်ပြီး ခုခံကြတဲ့အချိန်အခါမှသာ တာဝန်ကို စတင်အသုံးချခဲ့ခြင်း ဖြစ်ပါသည်။ ဤကဲ့သို့သော တာဝန်ရှိသူများရဲ့ လုပ်ရပ်ဟာ ဘက်လိုက်မှု၊ မိမိနှင့်ဘာသာတူသူများအားသာစေ၊ မတူသူများအား နာစေအဖြစ် လုပ်ဆောင်ခဲ့ခြင်းသာ ဖြစ်သည်ဟု ပြောလို့ရပါသည်။

ဒီဖြစ်ရပ်ထဲမှာ ဗုဒ္ဓဘာသာဝင်တစ်ဦးနဲ့ မွတ်စ်လင်မ်တစ်ဦးတို့ သေဆုံးခြင်းဟာလည်း ထူးခြားစွာနဲ့ တစ်ရက်တည်း တစ်ညတည်း တစ်ပြိုင်တည်း ပေါ်ပေါက်ခဲ့ပြီး၊ မဖြစ်မနေ ပြုလုပ်ရသည့် နာရေးကိစ္စများတွင် မွတ်စ်လင်မ်တစ်ဦး၏ နာရေးနှင့် ဗုဒ္ဓဘာသာတစ်ဦး၏ နာရေးတို့တွင် ငြိမ်းချမ်းခြင်းနှင့် ငြိမ်းချမ်းရေးကို ပျက်ပြားစေခြင်းများကို မတူညီဘဲ ပြုလုပ်ခဲ့ကြသော်လည်း တည်ငြိမ်အေးချမ်းခြင်းကို ပျက်ပြားအောင် ပြုလုပ်ခဲ့သည့်နာရေးကို မည်သည့် တာဝန်ရှိသူကမျှ ၀င်ရောက်ထိန်းသိမ်းခြင်း မပြုဘဲ လွှတ်ပေးခဲ့သည်မှာ အာဏာပိုင်အနေဖြင့် မိမိတို့၏ ဘက်လိုက်မှုအား ၀န်ခံခဲ့ခြင်းသာ ဖြစ်ပေသည်။

သေဆုံးသူနှစ်ဦး သင်္ဂြိုလ်ရေးအတွက် လိုအပ်သည့် နာရေးဖိတ်စာမှစ၍ အသုဘထား၊ အသုဘပို့၊ သင်္ဂြိုလ်အခမ်းအနား အသီးသီးကို ပြုလုပ်ရာတွင် နိဗ္ဗာန်ယာဉ်၊ နာရေးယာဉ်များပေါ်တွင် မွတ်စ်လင်မ်ဘက်မှ တိုင်းပြည်တည်ငြိမ်အေးချမ်းရေးကို ပျက်ပြားစေမည့် မည်သည့်စကားလုံးကိုမျှ ရေးသားဖော်ပြခြင်း၊ ပြောဆိုခြင်းမပြုခဲ့ဘဲ ငြိမ်းချမ်းစွာဖြင့် ပြီးဆုံးခဲ့ပေသည်။ တစ်ဘက်တွင် ကွယ်လွန်သူ ဗုဒ္ဓဘာသာဝင်အတွက် အဆိုပါ နာရေးကိစ္စများကို ပြုလုပ်ရာမှာတော့ တည်ငြိမ်အေးချမ်းမှုကို ပျက်ပြားအောင် လုပ်ဆောင်ခဲ့သည်။ အော်ဟစ်ဆူညံခဲ့ကြသည်။ အမုန်းပွားစေမည့် စာသားများကို ဖိတ်စာပေါ်တွင် ရိုက်နှိပ်ခဲ့ပေသည်။

အမြင်မတင့် ပုံနှင့်စာများအား နိဗ္ဗာန်ယာဉ်ပေါ်တွင် ချိတ်ဆွဲ၍ အမုန်းတရားကို တိုးပွားစေခဲ့သည်။ စာရွက်စာတမ်းများကို လူအုပ်စုကြား ဝေငှခဲ့ကြသော်လည်း မည်သူကမျှ ၀င်ရောက်ဟန့်တားခြင်း မရှိဘဲ လွှတ်ပေးခဲ့ပေသည်။ နှစ်ဦး သေဆုံးခြင်းတွင် မည်သူမျှ သက်သေအထောက်အထား မပြနိုင်ခဲ့သော်လည်း ၀ီရသူအနေဖြင့် ဦးဆောင်၍ ဗုဒ္ဓဘာသာဝင် သေဆုံးခြင်းကို လုပ်ကြံသတင်းများ ရေးသား၍ လှုံ့ဆော်ခဲ့သည်။ မွတ်စ်လင်မ် သေဆုံးခြင်းကို နှုတ်ဆိတ်၍ နေခဲ့သည်။ ၀ီရသူအနေဖြင့် အဆိပ်ကို သကြားအုပ်၍ ဆေးအဖြစ် လိမ်ညာပြောဆို၍ လူထုအပေါ် လိမ်ညာလုပ်ကြံခဲ့သူဖြစ်သည်။ ၀ီရသူမှ အထောက်အထားမဲ့စွာ စိတ်ထင်သလို ဗုဒ္ဓဘာသာဝင်တစ်ဦး သေဆုံးခြင်းအပေါ် စွပ်စွဲဖော်ပြခဲ့ပြီး မိမိကျူးလွန်ခဲ့သည့် အပစ်တို့ကို သက်ညှာစေလိုခြင်းကြောင့် ယခုလို တစ်ဖက်ဘာသာဝင်များအပေါ်တွင် အပစ်ပုံချခဲ့ခြင်းသာ ဖြစ်ပေသည်။

မွတ်စ်လင်မ်တစ်ဦး သေဆုံးခြင်းအား မျက်မြင်တွေ့ရှိရသူများရှိသည်။ အဆိုပါ မွတ်စ်လင်မ်သည် ကောင်းမှုကုသိုလ်များ ပြုလုပ်ပြီးမှ အိမ်သို့ပြန်လာစဉ် အပြစ်မဲ့စွာ ၀ိုင်းရိုက်သတ်ဖြတ်ခြင်းကို ခံခဲ့ရခြင်းဖြစ်ပေသည်။ ဗုဒ္ဓဘာသာဝင်ကို မည်သူမည်ဝါက မည်ကဲ့သို့ သတ်ဖြတ်သည်ဆိုခြင်းအား ၀ီရသူ  ဖော်ပြခြင်းမှာ ခိုင်မာသည့် အထောက်အထားမဟုတ်ခဲ့ပေ။ မွတ်စ်လင်မ်များအနေဖြင့် စီးလာသည့်ဆိုင်ကယ်အား တကူးတကန့် ပိတ်စို့တားမြစ်၍ ဟန့်တားသတ်ဖြတ်ခြင်းဆိုသည်မှာ ရယ်စရာဟာသတစ်ခုသာ ဖြစ်ပေလိမ့်မည်။ ဤကဲ့သို့ သတင်းလွှင့်ခဲ့ခြင်းသည် မိမိအပစ်ကို သူများအပစ်ဖြစ်အောင် မိန်းမကျင့် မိန်းမကြံ ကျင့်ကြံကာ သတင်းလွှင့်ခဲ့ခြင်းသာ ဖြစ်ပေသည်။ ကလေးအထှာပင် ဖြစ်ပေသည်။

မွတ်စ်လင်မ်များသည် မန္တလေးမြို့သာမက မြန်မာတစ်နိုင်ငံလုံးတွင် မတူညီသောဘာသာတရားများနှင့် စီးပွားဖက်၊ အိမ်နီးချင်းများအဖြစ် ရင်းနှီးချစ်ခင်စွာ နေထိုင်ခဲ့ကြသည်မှာ ၀ီရသူ အဘိုးအဘွား အဆက် (၇၀) ပင် မကနိုင်တော့ပေ။ မွတ်စ်လင်မ်များက တကူးတကန့် ရန်ရှာဖို့ဝေးစွ မိမိတို့ဘာသာတရားအပေါ် တစိုက်မက်မက် စော်ကားနေသည့် ၀ီရသူကဲ့သို့သော ငမိုက်သားမျိုးကိုပင် မည်သို့မျှ ကိုယ်ထိလက်ရောက် လက်တုန့်ပြန်မှု မပြုခဲ့ကြပေ။ ကမ္ဘာပေါ်တွင် အစ္စလာမ့်နိုင်ငံပေါင်း ၅၀ ကျော်ရှိပြီး၊ ယင်း အစ္စလာမ့်နိုင်ငံများတွင် လူမျိုး၊ ဘာသာ ပေါင်းစုံ ရင်းနှီးစွာ နေထိုင်လျက်ရှိပါသည်။ ၀ီရသူပုံဖော်သကဲ့သို့ မွတ်စ်လင်မ်များသည် မတူညီသော ဘာသာတရားများအား ရန်လိုမုန်းတီးနေခြင်းဖြစ်ပါက အစ္စလာမ့်နိုင်ငံများတွင် ဘာသာခြားများ နေထိုင်၍ ရမည်မဟုတ်ပေ။ သီတဂူဆရာတော်အနေဖြင့် မကြာသေးမီက ကာတာနိုင်ငံသို့ သွားရောက်၍ ဗုဒ္ဓသာသနာပြုခဲ့ခြင်းသည် အကောင်းဆုံး သက်သေပင် ဖြစ်ပေလိမ့်မည်။

သမ္မတဦးသိန်းစိန်လက်ထက်အတွင်း မြန်မာပြည်အနှံ့ အကြိမ်ကြိမ်ဖြစ်ပွားနေခဲ့သော မတူညီသည့် ဘာသာတစ်ခုအား ဦးတည်တိုက်ခိုက်နေခြင်းကို တားမြစ်နိုင်ခြင်းမရှိခဲ့သည့်အပေါ် အစိုးရအနေဖြင့် အရည်အချင်းညံ့ဖျင်းသည်ဟူ၍သာ ခေါင်းစဉ်တပ်ရပေမည်။ အရည်အချင်းမရှိခြင်းကြောင့် နိုင်ငံရေးလှည့်ကွက်အဖြစ် ယခုလို ဘာသာရေးအကြမ်းဖက်မှုများကို အကြိမ်ကြိမ် ပြုလုပ်ခဲ့သည်ဟု ထွက်ပေါ်နေသည့် သတင်းများအပေါ် အလင်းမျက်ဝန်းအနေဖြင့်  ထောက်ခံပါသည်။ မန္တလေးဖြစ်စဉ်သည်လည်း မွတ်စ်လင်မ်များအား ရည်ရွယ်ချက်ရှိရှိဖြင့် ဘာသာရေးအကြမ်းဖက်မှုကို ကျူးလွန်ခဲ့ခြင်းသာဖြစ်ပြီး၊ တာဝန်ရှိ လုံခြုံရေးများရဲ့ ကိုင်တွယ်မှု အားနည်းခြင်း၊ မျှတမှုမရှိခြင်းတို့သည် တမင် ပြုလုပ်ခဲ့ခြင်းသာ ဖြစ်ကြောင်း သုံးသပ်မိပါသည်။

မိမိအသက်အိုးအိမ်စည်းစိမ်အတွက် လမ်းပေါ်ထွက်၍ မဖြစ်မနေ ကာကွယ်ဟန့်တားခဲ့ကြရသည့် မွတ်စ်လင်မ်တို့သည် ဥပဒေဖောက်ဖျက် ကျူးလွန်သူများ မဟုတ်သော်လည်း ဥပဒေကို လိုသလို အသုံးချ၍ မွတ်စ်လင်မ်များအား အရေးယူနေခြင်းသည် တမင်နှိပ်ကွပ်နေခြင်းသာ ဖြစ်ပေသည်။ မိမိကိုယ်မိမိ ကာကွယ်ခြင်းဟူသည် လောက၏ နိယာမပင် ဖြစ်ပေသည်။ မိမိလုံခြုံရေး မိမိမကာကွယ်စေလိုပါက နိုင်ငံ့အုပ်ချုပ်ရေးအတွက် ပြည်သူက တာဝန်ပေးအပ်ထားသည့် အစိုးရအနေဖြင့် မျှတမှုရှိရှိဖြင့် တိုင်းသူပြည်သားတို့အပေါ် ထိရောက်စွာ ကာကွယ်ပေးရမည်သာ ဖြစ်ပေသည်။ အစိုးရအနေဖြင့် လုံခြုံရေးကိစ္စများတွင် တာဝန်ကျေပွန်အောင် ဆောင်ရွက်ပေးရမည်ပင် ဖြစ်ပေသည်။

ဝီရသူအနေဖြင့် ဗလီများတွင် လက်နက်ရှိကြောင်း သွားပုပ်လေလွင့် သတင်းလွှင့်ခဲ့သည်။ မိမိကိုယ်မိမိ ပေါ်ပျူလာဖြစ်ချင်လွန်း၍ ဖုန်းများဖြင့် ခြိမ်းခြောက်ဟန် ဗွီဒီယိုများ ဖန်တီး၍ လုပ်ဆောင်ခဲ့ပြီးနောက် အစိုးရအနေဖြင့် ၀ီရသူကျေနပ်ရေးအတွက်ဟူသော ခေါင်းစဉ်ဖြင့် ဗလီများအား ၀င်ရောက်စစ်ဆေးခြင်းမှာ အဆင့်အတန်း မဲ့လွန်းရာ ကျပေသည်။ ကမ္ဘာ့လူ့အခွင့်အရေးအဖွဲ့အစည်းများနှင့် ကမ္ဘာ့မီဒီယာများက အကြမ်းဖက်သမားအဖြစ် သတ်မှတ်ထားသည့် ၀ီရသူ၏ သတင်းမှားများအပေါ် ယုံကြည်၍ လိုက်နာပေးခဲ့ပြီး၊ အမှန်တကယ် ဖြစ်ပျက်ခဲ့သည့် သတင်းများအား မျက်ကွယ်ပြုခဲ့သည့် အစိုးရ၏လုပ်ရပ်များသည် တိုင်းပြည်တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို လိုလားသူတို့၏ လုပ်ရပ်မဟုတ်ခြင်းကြောင့် ချွင်းချက်မရှိ ဆန့်ကျင်ပါသည်။

ဇူလိုင် (၃) ရက်ညပိုင်းက ဗလီများကို ရဲများ ၀င်ရောက်စစ်ဆေး၍ မပြောပလောက်သည့် မီးဖိုချောင်သုံး လက်နက်ငယ်အချို့ တွေ့ရှိရသည်ဟူသည့် ခေါင်းစဉ်ဖြင့် လူပုဂ္ဂိုလ် (၅) ဦးကို ဖမ်းဆီးမှုများပြုလုပ်ခဲ့ခြင်းသည် လွန်စွာ အောက်တန်းကျသော လုပ်ရပ်များဖြစ်ပြီး မိမိယူရမည့်တာဝန်ကို အပြစ်မဲ့ ပြည်သူတို့အပေါ် ပုံချလိုက်ခြင်းသာ ဖြစ်သည်။ ယင်းလုပ်ရပ်ကြောင့် မွတ်စ်လင်မ်တို့အတွက် စိတ်နှလုံးသားကို အလွန်အမင်း ထိခိုက်ခံစားကြရပေသည်။ အစိုးရအနေဖြင့် တာဝန်မယူရဲသည့်လုပ်ရပ်ကြောင့် မဆိုင်သူများအား ယခုလို စိတ်ဓာတ်ရေးရာ ထိခိုက်စေမှုသည် အလွန့်အလွန်ကို စိတ်ပျက်စရာကောင်းလှပေသည်။

ယင်းကဲ့သို့သော လုပ်ရပ်များကို ရပ်တန့်ပေးကြရန် မေတ္တာရပ်ခံပါသည်။ အစိုးရအနေဖြင့် ပြဿနာကို စတင်ပြုလုပ်သူတို့ကိုလည်း ရှာဖွေအရေးယူဖို့ တိုက်တွန်းလိုပါသည်။ မလိုမုန်းတီးစိတ်များဖြင့် ဘာသာရေး လှုံ့ဆော်နေသူများကို ရှာဖွေဖော်ထုတ်ကာ ကျောသား၊ ရင်သား မခွဲခြားဘဲ အရေးယူပေးမှသာ အစိုးရအနေဖြင့် နိုင်ငံ့အကျိုး၊ ပြည်သူ့အကျိုးကို အမှန်တကယ် လိုလားသူများအဖြစ် လူထုမှ အပြည့်အ၀ ယုံကြည်ပေးနိုင်ကြလိမ့်မည်ဟု အလင်းမျက်ဝန်းအနေဖြင့် မျှော်လင့်မိပါသည်။

အယ်ဒီတာချုပ်

Admin

{picture#https://goo.gl/photos/zxoVbFAUQnCZAJmv6} သတင်းတင်ပြသူသည် အလင်းမျက်ဝန်းမှ ဖြစ်ပါသည်။ {facebook#https://www.facebook.com/alinmyetwyun/} {twitter#htttps://www.twitter.com} {google#https://www.google.com} {pinterest#https://www.pinterest.com} {youtube#htttps://www.youtube.com} {instagram#https://www.instagram.com}

Contact Form

Name


Email *

Message *

Powered by Blogger.

Pust Notification

Live Chat