၁၈၃၃ ခုနှစ် နောက်ပိုင်း ဂရိနိုင်ငံမှာ မွတ်စ်လင်မ်တွေအတွက် စနစ်တကျ သတ်သတ်မှတ်မှတ်နဲ့ ပထမဦးဆုံးသော ဗလီတစ်လုံးကို ဆောက်လုပ်လိုက်ပါပြီ။ အဆိုပါ ဗလီသစ်ကြီးကို လာမယ့် ဧပြီလအတွင်းမှာ ဖွင့်လှစ်သွားမှာ ဖြစ်ပါတယ်။

ဂရိနိုင်ငံမှာ နေထိုင်ကြတဲ့ ၅ သိန်းပမာဏသော မွတ်စ်လင်မ်တွေအတွက် ရာစုနှစ်နှစ်ခုနောက်ပိုင်းမှာ ပထမဦးဆုံးအနေနဲ့ ဗလီဆောက်လုပ်လိုက်ခြင်း ဖြစ်ပါတယ်။ အဆိုပါဗလီမှာ လူပေါင်း ၃၅၀ လောက် တစ်ပြိုင်နက် စွလာသ်ဝတ်ပြုနိုင်မှာ ဖြစ်ပါတယ်။

ဂရိနိုင်ငံမှာ အွတ်စ်မာနီအုပ်ချုပ်မှုကာလနောက်ပိုင်း ဗလီတွေအားလုံးကို ဖြိုဖျက်ရှဟီးဒ်လုပ်ခြင်း ခံခဲ့ရပါတယ်။ အဲဒီကာလနောက်ပိုင်းကတည်းက ယနေ့တိုင် ဂရိနိုင်ငံမှာ စနစ်တကျ သတ်သတ်မှတ်မှတ်နဲ့ ဗလီတစ်လုံးမှ မရှိခဲ့ပါဘူး။

လွန်ခဲ့တဲ့နှစ်ရဲ့ နိုဝင်ဘာလမှာတော့ ဒီဗလီဆောက်လုပ်မှု လုပ်ငန်းစဉ်ကို ဒုတိယအကြိမ်အဖြစ် ကြိုးစားခဲ့ကြတာ ဖြစ်ပါတယ်။ အခုအခါမှာတော့ ဗလီဆောက်လုပ်မှုလုပ်ငန်းကို ရာနှုန်းပြည့်နီးပါး ပြီးမြောက်ခဲ့ပါပြီ။ အဆိုပါ ဗလီသစ်ကြီးရဲ့ လိုအပ်သမျှသော မွမ်းမံချယ်သမှုတွေကို လုပ်ဆောင်မှုအပြီးသတ်မယ့် ဧပြီလတွင်းမှာတော့ ခမ်းနားစွာနဲ့ ဖွင့်လှစ်သွားမှာ ဖြစ်ပါတယ်။

ဂရိနိုင်ငံရဲ့ မြို့တော် အေသင်မှာ ထောင်ပေါင်းများစွာသော ရွှေ့ပြောင်းမွတ်စ်လင်မ်တွေ အခြေချနေထိုင်ကြပါတယ်။ ဒါပေမဲ့လည်း သူတို့ဟာ အိမ်တွေနဲ့ ဂိုဒေါင်ပျက်တွေမှာ အဆင်ပြေသလို စီစဉ်ထားကြတဲ့ ဝတ်ပြုစရာနေရာတွေမှာ မိမိတို့ရဲ့ ဘာသာရေး တာဝန်တွေကို ထမ်းရွက်ကျေပွန်နေကြရပါတယ်။ အဲဒီဝတ်ပြုစရာနေရာတွေထဲမှာ မြောက်မြားစွာသော ဝတ်ပြုရာ ဗလီနေရာတွေအဖြစ် မြေအောက်ခန်းတွေနဲ့ မြေကွက်လပ်တွေကို အသုံးပြုထားကြပါတယ်။

လွန်ခဲ့တဲ့နှစ် ဇွန်လမှာ ဂရိနိုင်ငံရဲ့ ဝန်ကြီးချုပ် အလ်ယကတ်စ် စပ်ရာစ်က မိမိရဲ့ ခိုင်မာတဲ့ သံန္ဓိဋ္ဌာန်ကို ဖော်ထုတ်ပြောပြခဲ့ပါတယ်။ သူအနေနဲ့ အေသင်မြို့မှာ နေထိုင်နေတဲ့ မွတ်စ်လင်မ်တွေအတွက် မြို့တော်အတွင်း ပထမဦးဆုံးသော ဗလီကို တည်ဆောက်ပေးသွားမှာဖြစ်ပြီး မွတ်စ်လင်မ်တွေအတွက် သီးသန့် သင်္ချိုင်းတစ်ခုကိုလည်း စီစဉ်ပေးသွားမယ်လို့ သိရပါတယ်။

ဂရိပညာရေးဝန်ကြီးကတော့ မွတ်စ်လင်မ်တွေ ယာယီစွလာသ်ဝတ်ပြုဆောက်တည်လို့ရအောင် ယာယီ ဗလီတွေဆောက်လုပ်ဖို့ ခွင့်ပြုချက် လိုင်စင်တွေ ထုတ်ပေးသွားမယ်လို့ ကတိပြုခဲ့ပါတယ်။ သူဟာ လက်တွေ့မှာလည်း အကောင်အထည် ဖော်ပေးခဲ့ပါတယ်။ ဒါပေမဲ့လည်း အဆိုပါနေရာတွေဟာ များသောအားဖြင့် လက်ယာစွန်းသမားတွေဘက်ယိမ်းတဲ့ ဂရိနိုင်ငံသား အစွန်းရောက် အကြမ်းဖက်တွေရဲ့ တိုက်ခိုက်မှု ပစ်မှတ်တွေ ဖြစ်ခဲ့ရပါတယ်။

အွတ်စ်မာနီအုပ်ချုပ်မှုကာလ ပြီးဆုံးတဲ့နောက်ပိုင်း ၁၈၈၀ ခုနှစ်မှာ ဗလီဆောက်လုပ်ဖို့ ကြိုးစား ဆောင်ရွက်ခဲ့ကြပါသေးတယ်။ ဒါပေမဲ့ အောင်မြင်မှုမရခဲ့ဘူး။ တစ်ကျော့ပြန်ပြီး ၂၀၀၀ ခုနှစ်က အိုလံပစ်အား ကစားပွဲတော်ကာလမှာ ဗလီဆောက်လုပ်ဖို့ စီမံကိန်းရေးဆွဲခဲ့ကြပါသေးတယ်။ ဒါပေမဲ့လည်း ခရစ်ယာန်ဂိုဏ်းကွဲ အော်သိုဒေါက်စ် ချက်စ်ကျောင်းတစ်ကျောင်း တည်ဆောက်ခွင့် တောင်းခံခြင်းကို ရွှေ့ဆိုင်းခြင်း ခံခဲ့ရတာကြောင့် ဗလီတည်ဆောက်ရေးကိုလည်း ဖျက်သိမ်းခဲ့ကြပါတယ်။

ဥရောပနိုင်ငံတွေထဲမှာ မွတ်စ်လင်မ်ဦးရေ များပြားစွာ အခြေချနေထိုင်ကြပေမယ့် ဗလီတစ်လုံးမှာ မရှိတဲ့ တစ်ခုတည်းသောမြို့တော်ဟာ အေသင်မြို့တော်ပဲ ဖြစ်ပါတယ်။

Inews-029/2/17 © အလင်းမျက်ဝန်း | ကိုးကား » ARY TV