ဒီနေ့ ကျနော်တို့ ဖြတ်သန်းနေရတဲ့ ကာလအပိုင်းအခြား တစ်ခုကို “မီဒီယာခေတ်” လို့ လူအများက လက်ခံထားကြပါတယ်။ ဒီ မီဒီယာခေတ်ကြီးမှာ ရုပ်မြင်သံကြားတွေ၊ ရုပ်ရှင်ရုံတွေ၊ ဂြိုဟ်တုစလောင်းစနစ်တွေ၊ ကွန်ပျူတာတွေ၊ မိုဘိုင်းဖုန်းတွေ စတဲ့ မီဒီယာ အမျိုးမျိုးကနေ ခေတ်မီ ဆန်းသစ်တဲ့ နည်းပညာတွေ အသုံးချပြီး လူသားတွေကို သတင်းအချက်အလက်တွေ အချိန်နဲ့ တစ်ပြေးညီ ပေးပို့တင်ဆက်ပေးနေကြပါတယ်။

၁၉၆၀ ပြည့်လွန်နှစ်တွေမှာ ကမ္ဘာကြီးကို အပြောင်းအလဲ ဖြစ်စေခဲ့တာကတော့ ဈေးကွက်ရှာဖွေရေး စီးပွားရေးကြော်ငြာတွေနဲ့ အောင်မြင်လာခဲ့တဲ့ (Television) ရုပ်မြင်သံကြားမီဒီယာတွေပါ။ လွန်ခဲ့တဲ့ ၁၅ နှစ်တာ ကာလအပိုင်းအခြားမှာတော့ (Internet) ကို အသုံးချပြီး မီဒီယာအမျိုးမျိုးဟာ တစ်ရှိန်ထိုး တိုးတက်လာခဲ့ပါတယ်။

ဒီနေ့ဆိုရင် သတင်း၊ နည်းပညာ၊ တွေ့ဆုံမေးမြန်းခန်း၊ အတွေးအမြင် စတာတွေကို ကမ္ဘာနှင့်အဝှန်း အချိန်တိုအတွင်းမှာ အရောင်အသွေးစုံလင်စွာ ပြည့်ပြည့်စုံစုံ ကြည့်ရှုနားဆင်လို့ ရနေပြီ ဖြစ်ပါတယ်။ အခုလို မီဒီယာတွေ ပေါများလာခြင်းနဲ့အတူ ကျနော်တို့အတွက် ကောင်းကျိုးရော ဆိုးကျိုးပါ မလွှဲသာ မရှောင်သာ ဒွန်တွဲလျက် ရရှိလာပါတယ်။

မီဒီယာကို လူသားတွေ အကျိုးဖြစ်ထွန်းစေဖို့ အသုံးပြုနေကြသူတွေရှိသလို ဒီ မီဒီယာကိုပဲ မမှန်မကန် အသုံးချပြီး လူတွေကို လမ်းမှားဆီ တွန်းပို့နေကြတာတွေကလည်း ဆတူနီးပါး ရှိလာပြန်ပါတယ်။ ဒီခေတ်သမယမှာ လူသားတွေရဲ့ လူနေမှုစနစ်နဲ့ ကိုယ်ကျင့်တရားတွေကို မီဒီယာတွေက ရာခိုင်နှုန်း အတော်များများ လွှမ်းမိုးထားလိုက်နိုင်ပါပြီ။ မီဒီယာတွေက ဒါဟာအမှန်ပါလို့ ဝါဒဖြန့်လိုက်တာနဲ့ တစ်ပြိုင်တည်း လူအများစုကြီးဟာ အမှန်အဖြစ် လက်ခံဖို့ ဝန်မလေးကြတော့ပါဘူး။

ကမ္ဘာကျော် ခေါင်းဆောင်ကြီးတွေ၊ နိုင်ငံတွေရဲ့ အုပ်ချုပ်သူ ခေါင်းဆောင်တွေဟာ မီဒီယာကို အသုံးချပြီး ကျော်ကြားမှုတွေ ဖန်တီးယူခြင်း၊ လူထုအတွင်း ထောက်ခံမှုတွေ ရလာအောင် မိမိကိုယ်ကို အမွှမ်းတင်ရေးသားခြင်းတွေ ပြုလုပ်နေကြပါတယ်။ မီဒီယာမှာ ထင်ရှားကျော်ကြားလာခြင်းဆိုတဲ့ အချက်တစ်ခုတည်းဟာ လူတစ်ယောက်ရဲ့ အနေအထားတစ်ခုကို အရှိန်အဟုန်နဲ့ ပြောင်းလဲပစ်နိုင်တဲ့အထိကို အင်အားကြီးပါတယ်။

ကျနော်တို့ရဲ့ နှစ်ဘဝသခင် ကျေးဇူးတော်ရှင် တမန်တော်မြတ် မိုဟမ္မဒ်  ဟာ နဗီတမန်တော်အဖြစ် ချီးမြှင့်ခြင်းခံရပြီးချိန်က စတင်ကာ ၂၃ နှစ်တာ ကာလအတွင်း အစ္စလာမ်သာသနာတော်ဘက်သို့ ဖိတ်ခေါ်မှုနှင့် သာသနာ့အလုပ်တွေကို မရပ်မနား ကြိုးပမ်းတော်မူခဲ့ပါတယ်။ ကိုယ်တော် ကြိုးပမ်းခဲ့ရတဲ့ ခေတ်သမယမှာ ဒီခေတ်အခါလို ခေတ်မီ ဆက်သွယ်ရေး နည်းစနစ်တွေ မထွန်းကားသေးပေမဲ့ ကိုယ်တော့်ရဲ့ ကိုယ်ကျင့်တရား၊ မှန်ကန်မြင့်မြတ်မှုတွေကို အဓိက ချပြပြီး အစ္စလာမ်ဆိုတဲ့ အမှန်တရားဘက်ကို ဖိတ်ခေါ်ဖို့ ကိုယ်တော့်အပါးတော်မြဲ သာဝကကြီး رضي الله ﺗﻌﺎﻟﯽٰ عنهم တွေဟာ အဲ့ဒီခေတ် ကာလက တစ်ခုတည်းသော ဆက်သွယ်ရေးစနစ်ဖြစ်တဲ့ မြင်းတွေ၊ ကုလားအုပ်တွေ စီးနင်းပြီး နိုင်ငံအနှံ့အပြားကို သွားရောက်ခဲ့ကြပါတယ်။ သူတို့ရဲ့ အဓိက ရည်ရွယ်ချက် ပန်းတိုင်ဟာ ကျမ်းတော်မြတ်ကုရ်အာန်ပါ အကြောင်းအရာတွေကို အခြေခံပြီး ရှေးယခင် ကျမ်းရပုဂ္ဂိုလ်တွေ (ခရစ်ယာန်နှင့် ယဟူဒီ)၊ ဘာသာမဲ့တွေ၊ ရုပ်တု ဆင်းတုတွေကို ကိုးကွယ်ဆည်းကပ်နေသူတွေ စသဖြင့် အယူဝါဒ အမျိုးမျိုးကျင့်သုံးနေသူတွေကို တွေ့ဆုံရှင်းပြပြီး သောဝ်ဟီးဒ် (တစ်ပါးတည်းသော ဖန်ဆင်းရှင် အလ္လာဟ်အရှင်မြတ်) ဘက်တော်သို့ ဖိတ်ခေါ်ရန်သာ ဖြစ်တယ်။

ဒီနေ့ မီဒီယာတွေမှာ Model တွေ ရှိသလို ကျနော်တို့ရဲ့ အသန့်ရှင်းဆုံး အမြင့်မြတ်ဆုံး စံပြပုဂ္ဂိုလ်ထူးဟာ တမန်တော်မြတ် မုဟမ္မဒ်  သာ ဖြစ်တယ်။ ကိုယ်တော့် ကိုယ်ကျင့်တရားဟာ ကျနော်တို့ အားကျ အတုယူစရာ ဖြစ်တယ်။ ကိုယ်တော် နေထိုင်သွားလာတဲ့ စံနမူနာဟာ ကျနော်တို့ ဖဝါးထပ်ချပ်မကွာ လိုက်နာကျင့်သုံးရမဲ့ ချစ်မြတ်နိုးစရာ လမ်းစဉ် ဖြစ်တယ်။ ကိုယ်တော့် ရွှေနှုတ်တော်က မိန့်ကြားတဲ့ စကားရပ်တိုင်းဟာ ကျနော့်ဘဝအတွက် ပြီးပြည့်စုံတဲ့ ဘဝလမ်းညွှန်မှု ဖြစ်တယ်။

ဒီနေ့ မီဒီယာတွေမှာ လူအများကြား ထင်ရှားကျော်ကြားသူ၊ ထင်ထင်ရှားရှား ရှိနေသူတွေကို ဆယ်လီဗရစ်တီလို့ခေါ်ဝေါ် သုံးစွဲကြတယ်။

ကျနော်တို့ရဲ့ ဆယ်လီဗရစ်တီတွေဟာ ကိုယ်တော်မြတ်ရဲ့ အပါးတော်မြဲ သာဝကကြီးတွေပဲ ဖြစ်တယ်။ လောကီလူသားတွေက အမည်ကြားရုံမျှနဲ့ رضي الله ﺗﻌﺎﻟﯽٰ عنهم လို့ မေတ္တာပို့ကြသလို ကောင်းကင်တမန်တွေက သူတို့ကို ကြည့်ပြီး သူတို့ရဲ့ အစ္စလာမ် အပေါ်မှာ ခိုင်မာတည်ကြည်စွာ ရပ်တည်ခဲ့ကြပုံတွေကို အံ့သြဘနန်း ဖြစ်ကြရတယ်။ သူတို့ဟာ ကိုယ်တော်မြတ်  ကို အသက်ထက် မကအောင် ချစ်မြတ်နိုးကြတယ်။ အဲ့ဒီအချစ်ကို ကမ္ဘာ့လူသားထု တစ်ရပ်လုံးဆီ ရောက်အောင် ပို့ဆောင်ဖို့ သက်တမ်းတစ်လျှောက်လုံး ကောင်းမွန်လှပတဲ့ ကိုယ်ကျင့်တရားနဲ့ Advertise လုပ်ခဲ့ကြတယ်။

အမှန်တရားကို ဖြန့်ဖြူးတဲ့ အလုပ်နဲ့ လူသားတွေ အကျိုးရှိမဲ့ ပညာရပ်တွေ ပို့ချတဲ့ အလုပ်တွေ လုပ်ခဲ့ကြပြီး လူအများအကြား ကမ္ဘာတည်သရွေ့ ထင်ရှားကျော်ကြားနေမဲ့ Celebrity တွေ ဖြစ်ခဲ့ကြတယ်။

ဒီနေ့ မီဒီယာမှာကျော်ကြားနေတဲ့ Model တွေကို ကြည့်ရှုဖို့ လူတွေဟာ ငွေကုန်ကြေးကျခံ၊ အမျိုးမျိုး အပင်ပန်းခံပြီး သွားရောက်ကြတယ်။ ကိုယ်တော်မြတ်  ရဲ့ အခါသမယမှာ လူတွေဟာ ကိုယ်တော့်ရဲ့ ဂုဏ်သတင်း ကျော်ဇောမှုကို မျက်ဝါး ထင်ထင် မြင်တွေ့လိုတာကြောင့် ကိုယ်တော်မြတ်ထံပါးသို့ ရောက်အောင် လာခဲ့ကြပါတယ်။ ကိုယ်တော့်ရဲ့ မေတ္တာတရားပြည့်ဝတဲ့ စကားလေး နားထောင်ခွင့်ရတာနဲ့ နှလုံးသားတွေ  နူးညံ့သိမ်မွေ့လာကြပြီး ယုံကြည်သူတွေ ဖြစ်လာကြပါတယ်။

သာဝကကြီး အဗူဇရ် ဂဖ်ဖါရီ رضي الله ﺗﻌﺎﻟﯽٰ عنه ဟာ မိုင်ပေါင်းများစွာ ဖြတ်သန်းပြီး ကိုယ်တော်မြတ်  ကို လာရောက် ရှာဖွေခဲ့ပါတယ်။ ကိုယ်တော် ဘယ်မှာရှိမှန်းလဲ မသိခဲ့ရှာပါဘူး။ လမ်းမှာပဲ အိပ်စက်ရရှာပါတယ်။ ကိုယ်တော့်ကို သူလာရှာနေမှန်းသိရင် ရန်ရှာနေသူများရဲ့ ဒုက္ခပေးခြင်း ခံရမယ်ဆိုတာကိုလည်း ကောင်းစွာ သိနေပေမဲ့ နှလုံးသားထဲက မမြင်တွေ့ဖူးပေမဲ့ ချစ်ခင်နေမိတဲ့ ကိုယ်တော့်ကို ချစ်ခင်တဲ့ စိတ်ဟာ ဘယ်အရာကိုမျှ ဒုက္ခလို့ မယူဆတော့တာပဲ ဖြစ်ပါတယ်။

ဒီနေ့ Social Network တွေ ဖြစ်တဲ့ Facebook, Twitter အစရှိတဲ့ မီဒီယာတွေမှာ တစ်နေ့မှာ အိုမင်းမစွမ်း ဖြစ်သွားမယ့်သူတွေ၊ ပျက်စီးဆုံးရှုံးသွားရမယ့် အရာတွေကို အမွှမ်းတင် ဂုဏ်ယူပြောဆိုနေကြမယ့်အစား ကျနော်တို့ရဲ့ Role Model ယူဆောင်လာတဲ့ ကျမ်းတော်မြတ် ကုရ်အာန်ကို Advertise လုပ်ပြီး ကျနော်တို့ရဲ့ Super Star Celebrity တွေရဲ့ အကြောင်းအရာတွေကို လူအများသိအောင် Share ပေးခြင်းဖြင့် ဒီခေတ် မီဒီယာကို ဒီးန်ရဲ့ ဖိတ်ခေါ်သံအဖြင့် ပြောင်းလဲကြပါစို့လား။

Mohammed Naeem
@ အလင်းမျက်ဝန်း (© SPG-01/03/17)