[3column][content]
 (မေးခွန်း-၁) 
အတ်စ်လားမ်မိုအလိုင်းကွန်
(၁) ကျနော် ကြားဖူးတာလေးတစ်ခု ဟုတ်/မဟုတ်မေးချင်လို့။ အဝတ်အစားအသစ်ဝယ်ပြီးရင် မလျှော်ဘဲဝတ်ပြီး နမားဇ်ဖတ်မရဘူးဆိုပြီး ကြားဖူးလို့။ အသစ်ဆိုတော့ ဆေးတွေရှိမယ်။ နောက်တစ်ခုက ချူပ်တဲ့အချိန်မှာ ခြေထောက်နဲ့ နင်းမိတာတွေရှိလို့ မလျှော်ဘဲ နမားဇ်မဖတ်ရဘူးဆိုပြီးကြားဖူးလို့။
(၂) ဇေနာအမှုကို ကျူးလွန်မိတဲ့ အမျိုးသမီး/အမျိုးသားရဲ့ ချက်တာစားရင် နှလုံးသားမည်းတယ်။ မစားသင့်ဘူးလို့ ကြားဖူးလို့။ တကယ်ဘဲ မစားသင့်ဘူးဆိုရင် အဲ့ဒီအပြစ်ကို ကျူးလွန်မိတဲ့ အမျိုးသမီးရဲ့ အရွယ်ရောက်တဲ့ သားသမီးတွေနဲ့ ပတ်သက်ပြီး ဘယ်လို လုပ်ရမလဲ။
မိုဟမ္မဒ်​ စအားဒ် (austin tx America)
 (အဖြေ-၁) 
وعليكم السلام ورحمة الله
  1. အဝတ်အစားအသစ် ဝယ်ပြီး မလျှော်ဘဲ ဝတ်ကာ စွလာသ်ဝတ်ပြုခွင့်ရှိပါတယ်။ ချုပ်တဲ့အချိန် အပ်ချုပ်သမားက ခြေထောက်နဲ့ နင်းမယ်တို့၊ ကော်တွေ၊ ဆေးတွေရှိမယ်တို့ စသဖြင့်ကိစ္စတွေဟာ (ဝပ်စ်ဝစဟ်) စိတ်စနိုးစနောက်ဖြစ်တဲ့ကိစ္စ၊ စိတ်ထင့်တဲ့ကိစ္စ၊ သံသယစိတ်တွေပါပဲ။ အတတ်နိုင်ဆုံး အဲဒီဝပ်စ်ဝစဟ်ကို လက်မခံဖြစ်အောင် ကြိုးစားရပါလိမ့်မယ်။
  2. ဇေနာအမှုကို ကျူးလွန်မိတဲ့သူရဲ့ ချက်ပြုတ်ထားတာကိုစားရင် နှလုံးသားမည်းတယ်၊ မစားသင့်ဘူးဆိုတာကိုတော့ မကြားဖူးပါဘူး။ ဇေနာဆိုတာ ကဗီရဟ် ကြီးလေးတဲ့ ပြစ်မှုကြီးပါ။ ကြီးလေးတဲ့ ပြစ်မှုကြီးတွေဟာ မြောက်မြားစွာ ရှိနေပါတယ်။ ပမာအားဖြင့် အလ္လာဟ်အရှင်မြတ်နဲ့ တုဖက်နှိုင်းယှဉ် ကိုးကွယ်တာ၊ စုန်းပယောဂလုပ် ပြုစားတာ၊ အောက်လမ်းနည်းသုံးတာ၊ ဖရဿ်ွစွလာသ် လွှတ်တာ၊ ဇကာသ်မပေးဘဲ နေတာ၊ လမြတ်ရမဿွာန်ရဲ့ စွောင်မ်ဥပုသ်ကို မစောင့်ထိန်းဘဲနေတာ၊ တတ်စွမ်းနိုင်ပါလျက်နဲ့ ဗိုင်သွလ္လာဟ်ကို ဟဂ်ျမပြုဘဲ နေတာ၊ မိဘစကားနားမထောင်တာ၊ ဆွေမျိုးအဆက်ဖြတ်တာ၊ အတိုးပေး၊ အတိုးယူတာ၊ လိင်တူဆက်ဆံတာ၊ အရက်/ဘီယာသောက်စားတာ စသဖြင့် အများကြီးပဲ ရှိပါတယ်။ ဒါတွေအားလုံးဟာ ဇေနာအမှုလိုပဲ ပြစ်မှုကြီးတွေပါ။ ဒါတွေကို ရှရီအသ်က ဆောင်ရွက်ဖို့ ပြဌာန်းထားပါလျက်နဲ့ သို့မဟုတ် တားမြစ်ထားပါလျက်နဲ့ ကျူးလွန်နေသူ၊ မနာခံသူဟာလည်း ပြစ်မှုကြီး ကျူးလွန်သူပါပဲ။ ဒါပေမဲ့လည်း သူတို့ရဲ့ ချက်ပြုတ်ထားတာကို မစားရဘူး၊ စားရင် နှလုံးသားမည်းတယ်လို့ မိန့်ထားတာ မတွေ့ဖူးပါဘူး။ ဒါပေမယ့် အတတ်နိုင်ဆုံး ပြစ်မှုကြီးတွေမမြောက်အောင် ကြိုးစားရပါလိမ့်မယ်။ သူတို့ကို ပြုပြင်နိုင်အောင် ကြိုးစားရပါလိမ့်မယ်။ ဒီမေးခွန်းနဲ့ ဆက်စပ်နေတဲ့ အဖြေတစ်ခုကို (အတွဲ-၀၂၂၊ အဖြေ-၁) မှာ လေ့လာပါ။
[/content][content]
 (မေးခွန်း-၂) 

အမျိုးသမီးတစ်ယောက်အတွက် အစ္စလာမ်က သတ်မှတ်ထားတဲ့ ဝတ်စားဆင်ယဉ်မှု သတ်မှတ်ပြဌာန်းချက်ကို ကုရ်အာန်၊ ဟဒီးဆ်၊ ဖွီကာဟ်အရ ဘယ်လို သတ်မှတ်ထားလဲဆိုတာ တိတိကျကျ သိချင်ပါတယ်။

ခင်မောင်မြင့် (United State Of America)


 (အဖြေ-၂) 

အမျိုးသမီးတစ်ယောက်အတွက် ရှရီအသ်က သတ်မှတ်ပြဌာန်းထားတဲ့ ဝတ်စားဆင်ယင်မှုကို တိုတိုနဲ့ ဖော်ပြရရင်-
  1. ခန္ဓာကိုယ်တစ်ခုလုံး လုံလုံခြုံခြုံ ရှိရမယ်။

  2. အဝတ်အောက်မပေါ်လွင်အောင် ထူထူဝတ်ရမယ်။

  3. ကပ်ကပ် ကျပ်ကျပ် မဖြစ်ရဘူး၊ ချောင်ချောင်ချိချိ ဖြစ်နေရမယ်။

  4. အမျိုးသားယောက်ျားတွေရဲ့ မျက်လွှာအရှုကို ဖိတ်ခေါ်နေတဲ့ ခြယ်သဆင်ယင်ထားတာမျိုး မဖြစ်ရဘူး။

  5. အမွှေးအကြိုင် သုတ်လိမ်းထားတာ မဖြစ်ရဘူး။

  6. ထင်ပေါ်ကျော်ကြားတဲ့ အဝတ်အစားမျိုး မဖြစ်ရဘူး။

  7. အမျိုးသားတွေရဲ့ အဝတ်အစားနဲ့ တူဆင်မနေရဘူး။

  8. (ကာဖိရ်) ဘာသာခြားအမျိုးသမီးတွေရဲ့ ဓလေ့စရိုက်အဝတ်အစားနဲ့ တူဆင်မနေရဘူး။

  9. လက်ဝါးကပ်တိုင်တို့၊ သက်ရှိသတ္တဝါတို့ရဲ့ ရုပ်ပုံတွေ မပါရဘူး။

  • တမန်တော်မြတ် ﷺ မိန့်ကြားတော်မူတယ်။ အပါယ်ငရဲ လားရမယ့် မိန်းမတွေကတော့ ဝတ်ဆင်ထားလျက်နဲ့ ချွတ်ထားတဲ့သူတွေ၊ သူစိမ်းအမျိုးသားတွေဘက် ယိမ်းညွတ်တဲ့သူတွေ၊ ယိမ်းညွှတ်အောင်လုပ်တဲ့သူတွေဖြစ်တယ်။ သူတို့ဟာ သုခဘုံကို မဝင်ရောက်ရမည့်သူများ ဖြစ်ပြီး သုခဘုံရဲ့ အနံ့တောင်ရကြမှာ မဟုတ်ဘူး။



[/content][content]
 (မေးခွန်း-၃) 

အိမ်ထောင်တစ်ခုမှာ မိန်းကလေးက အခြားသူနဲ့ ဖောက်ပြန်လိုက်ရင် အလိုလို သွလ္လားက်မြောက်သွားတယ်ဆိုတာ ဟုတ်ပါသလား?

အာဗစ် (ရေတာရှည်)


 (အဖြေ-၃) 

  • အကြင်လင်မယား နှစ်ဦးမှာ သွလာက်ပိုင်ရှင်က အမျိုးသားပါ။ သွလာက်အကြောင်းကတော့ ကျယ်ပြန့်ပါတယ်။

  • ဇနီးမယားက တစ်ယောက်ယောက်နဲ့ ဖောက်ပြန်မိလို့ အလိုလို သွလာက်မြောက်သွားတယ်ဆိုတာ မဟုတ်ပါဘူး။

  • ဖောက်ပြန်တယ်ဆိုတာ ဇေနာမှုပါ။ အလွန်ကြီးလေးတဲ့ ပြစ်မှုကြီးပါ။ ဒီလိုမျိုးကိစ္စဟာ အမျိုးသားလင်ယောက်ျားဘက်ကဖြစ်ဖြစ် အမျိုးသမီးဘက်ကဖြစ်ဖြစ် အလွန်ကို ရုပ်ဆိုး အကျည်းတန်တဲ့ ရှက်ဖွယ်ကိစ္စဖြစ်ပါတယ်။

  • ကျူးလွန်မိသူဟာ စစ်မှန်တဲ့ သောင်ဗဟ်ပြုလုပ်ရပါမယ်။

  • ဘယ်သူ့ကိုမှ အသိမပေးဘဲ ဖုံးကွယ်ထားရမယ်။

  • အမျိုးသားကို မှာကြားလိုတာက မိမိဇနီးသည် ဖြူစင်နေအောင် အကြောင်းခံတွေ ဖန်တီးပေးထားရမယ်။

    ဥပမာ- ရက်ရှည်လများ ခရီးထွက်တာမျိုး၊ အမျိုးသမီးနဲ့ သံဝါသမပြုဘဲ အချိန်ကြာကြာ နေတာမျိုးတွေကို ရှောင်ကြဉ်ရမယ်။

  • လူပျို၊ အပျိုက ဇေနာမှုကျူးလွန်မိရင် ခံရမယ့် အပြစ်ထက် အိမ်ထောင်ရှင်တွေ ဇေနာမှုကျူးလွန်ရင် ပိုမိုခံရပါလိမ့်မယ်။

  • လောကမှာရော နောင်တမလွန်မှာရော တော်တော်ကို ကြီးလေးတဲ့ ပြစ်ဒဏ်ခံရပါလိမ့်မယ်။


[/content][/3column]