တစ်ချိန်တစ်ခါက...

ပျော်ဘွယ် အရဗီတက္ကသိုလ်က စာချဆရာသခင်ကြီးတစ်ပါးဖြစ်တဲ့ မောင်ဝ်လနာ ဟိုစိုင်န်း (မဒီနီ) ဟာ ပျော်ဘွယ်မြို့ စာတိုက်ကနေ စာသွားပို့ပါတယ်။

စာလက်ခံသူ ဝန်ထမ်းစာရေးမက ပေးပို့သူနေရာမှာ ရေးသားဖော်ပြထားတဲ့ ဆရာသခင်ကြီးရဲ့အမည်ကို သေချာရဲ့လားဆိုတာ အတည်ပြု မေးမြန်းပါတယ်။

ပြီးနောက် စာလွှာလက်ခံ မှတ်ပုံတင်ပြေစာ စာရွက်ပေါ်က ပေးပို့သူနေရာမှာ “ ဦးလဝီဟိုစိုင်န်း ” လို့ ရေးပြီး ပြေစာလေး ဖဲ့ပေးလိုက်ပါတယ်။

ဆရာသခင်ကြီးက စစ်ဆေးပြီးနောက်မှာ သမီးရေ ဘဘအမည်က မှားနေလားလို့နော်လို့ ပြောလိုက်တဲ့အခါ စာရေးမက အခုလို ပြန်ရှင်းပြပါတယ်။

“ ဘဘရေးထားတဲ့ မောင်လဝီဟိုစိုင်န်း ဆိုတာက ဘဘအရွယ်နဲ့ မတင့်တယ်လို့ မောင်အစားထိုးပြီး ဦးဆိုတာကို ပြင်ပေးလိုက်တာကြောင့် ဦးလဝီဟိုစိုင်န်း ဖြစ်သွားတာပါ ” ဆိုပြီး ရှင်းပြသတဲ့။

ကျနော့်ကိုယ်တွေ့ဖြစ်ရပ်လည်း တစ်ခုရှိပြန်ပါသေးတယ်။ တရားရုံးမှာ ကျမ်းကျိန်တဲ့အခါ ကျနော့်အဖေအမည်ရှေ့မှာလည်း အာလင်မ်ဖြစ်တဲ့အတွက် မောင် လို့သုံးစွဲထားတာကို တရားသူကြီးက ကျမ်းကျိန်လွှာမှာ မောင် ကို ခြစ်ချပြီး ဦး လို့ပြင်ဖို့ လက်နှိပ်စက်စာရေးကို ပြောနေပါတယ်။

စာရေးက မောင် ဆိုတာ အမှန်ပဲပြောတော့ မျက်မှန်ကြီးအောက်ချကြည့်ပြီး ဒီအရွယ်ကို မောင် လို့ သုံးရသလားဆိုပြီး လက်နှိပ်စက်စာရေးကို ငေါက်ပါလေရော။

နောက်တော်တော်ကြား ဝိုင်းရှင်းပြတော့မှ တရားသူကြီးလည်း အဲ့လိုလားဆိုပြီး ခေါင်းတညိမ့်ညိမ့်နဲ့ ကျမ်းကျိန်လွှာကို လက်မှတ်ထိုးပေးလိုက်ပါတယ်။

ပြောချင်တာက...

တကယ်တော့ ကျနော်တို့ မြန်မာမွတ်စ်လင်မ်တွေဟာ သာသနာ့ပညာရှင်တွေကို “ မောင်လဝီ (مولوى) / မောင်လာနာ (مولانا) ” လို့ အရဗီစကားလုံးကနေ ဖလှယ်ပြီး မြန်မာလို ရေးသားကြပါတယ်။

အရဗီလို مو ဆိုတဲ့စကားလုံးကို မြန်မာလိုရေးသားရာမှာ မောင် ဆိုပြီး ရေးသားလိုက်တာကြောင့် ရှိရင်းစွဲမြန်မာစကားလုံးနဲ့ တိုက်ရိုက်ငြိစွန်းသွားလို့ ဘာသာခြားတွေအတွက် မှတ်ယူကောက်ချက်ချမှုမှာ လွဲမှားသွားစေတာ ဖြစ်ပါတယ်။

ဒါကြောင့် သာသနာ့ပညာရှင်တွေကို မြန်မာလိုအမည်ရေးသားဖော်ပြရာမှာ အရဗီအသံကို မြန်မာမှုပြုရေးတဲ့အခါ မူလရှိရင်းစွဲစကားလုံးနဲ့ ငြိစွန်းမသွားရအောင် သတိပြုသင့်ပါတယ်။

ပိုဆိုးတာက တချို့အရိုအသေတန်မဲ့သူတွေဟာ ခသ်နာလုပ်ထားတဲ့ကလေးတွေကို “မောင်လနာ” လို့ ပြောင်လှောင်ခေါ်ဝေါ်ကြတာတွေကို ကျနော့်ကိုယ်တွေ့ မြင်ရဖူးပါတယ်။

ဒီလိုအကြောင်းမျိုးလေးတွေ တိုက်ဆိုင်တဲ့အတွက် တချို့ကလည်း မောင် လို့မသုံးတော့ဘဲ မော် လို့ ပြောင်းလဲသုံးကြပြန်ပေမယ့် မြန်မာအမည်တွေမှာလည်း မော်ဆိုတာ ရှိနေပြန်တော့ ထည်ဝါမှုကို ယုတ်လျော့စေပါတယ်။ တစ်ဖန် အသံထွက်ဖလှယ်ရာမှာလည်း မှားယွင်းတယ်လို့ ပြောနိုင်ပါတယ်။
ဒါကြောင့် အသံထွက် တကယ့်အစစ်အမှန်ထွက်ပေါ်လာအောင် “မောင်ဝ် ” လို့ ပြင်ဆင်ပြီး သုံးစွဲကြဖို့ အလင်းမျက်ဝန်းကနေ မြန်မာမွတ်စ်လင်မ်လူထုကြီးကို အကြံပြုတင်ပြလိုက်ရပါတယ်။
ဒီလိုဆိုရင် မောင်ဝ်လဝီ..... လို့ ဖြစ်သွားပါလိမ့်မယ်။ မောင်ဝ်လာနာ..... လို့ ဖြစ်သွားပါလိမ့်မယ်။

ဒီလိုစနစ်တကျလေးသုံးစွဲတာဟာလည်း သာသနာ့ပညာရှင်တွေကို ဂုဏ်ပေးလေးစားခြင်းတစ်မျိုးပဲလို့ စိတ်ကရည်စူးလိုက်ရင် (ان شاء الله ﺗﻌﺎﻟﯽٰ) အကျိုးကုသိုလ်တစ်ခုလည်း ဖြစ်သွားစေပြီး ကျနော်တို့လူမျိုးရဲ့စာပေအသုံးအနှုံးကိုလည်း မြှင့်တင်ရာရောက်စေပါတယ်။

သားကိုကို

MOL-005 © အလင်းမျက်ဝန်း
[info title="ရင်ဖွင့်လွှာ" icon="info-circle"]» ဤအစီအစဉ်ပါ အကြောင်းအရာများသည် ပြင်ပကလောင်ရှင်များ၏ ပေးပို့ချက်အား ဖော်ပြခြင်းဖြစ်ပြီး အလင်းမျက်ဝန်း၏ မူဝါဒအာဘော်မဟုတ်ပါ။
» ဤ “ရင်ဖွင့်လွှာ” အစီအစဉ်သို့ စာရေးသားပေးပို့ကြပါရန် လေးစားစွာဖြင့် ဖိတ်ခေါ်အပ်ပါသည်။
» စာရေးသားပေးပို့နိုင်ရန် အောက်ပါ Link တွင် အသေးစိတ် ဝင်ရောက်လေ့လာနိုင်ပါသည်။
http://www.alinmyetwyun.com/2017/06/MOL.html[/info]