[2column][content]
 (မေးခွန်း-၁) 

အတ်စလားမုအလိုင်ကွန်းမ်
ကျနော် အလုပ်ရုံတစ်ခုမှာ အလုပ်လုပ်ပါတယ်။ နမားဇ်​အချိန် နမားဇ်​ဖတ်ဖို့ ဝူဇူလုပ်ရတာ အများသုံးအိမ်သာမှာ ဝူဇူလုပ်ရတာဆိုတော့ ခြေထောက်ဆေးတဲ့အချိန် လူအများက လက်ဆေး ပါးစပ်ဆေးတဲ့နေရာမှာ ခြေထောက်တင်ပြီး ဆေးတာရယ်၊ နောက်တစ်ခုက အလုပ်စီးဖိနပ်နဲ့ ခြေစွပ်ကို ချွှတ်ပြီးမှ ခြေထောက်ဆေးရတာ နည်းနည်းအခက်အခဲရှိတာရယ်၊ နောက်တစ်ခုက ဘာသာခြားတွေလဲ ရှိနေတော့ သူတို့အတွက် အမြင်မတော်ဖြစ်မှာလဲဆိုးရတာရယ်ကြောင့် ခြေစွပ်မချွှတ်ဘဲ မစဟ်လုပ်လို့ရတယ်ကြားဖူးလို့ ကျနော်ပြောတဲ့ အချက်တွေနဲ့ မစဟ်ပြုခွင့်ရှိမရှိ သို့မဟုတ် မစဟ်ပြု့ခွင့်ရှိတယ်ဆိုလဲ ခြေစွပ်ပေါ် မစဟ်လုပ်နည်းလေး လမ်းညွန်ပေးပါလို့ လေးစားစွာ တောင်းဆိုပါတယ်။

မိုဟမ္မဒ်​ စအားဒ် (austin tx America)

 (အဖြေ-၁) 

وعليكم السلام ورحمة الله وبركاته

အစ္စလာမ်ဟာ အလွန်လွယ်ကူလှတဲ့ သာသနာတော်ပါ။ ခက်ခဲတဲ့ သာသနာမဟုတ်ပါဘူး။ အစ္စလာမ့်ပညတ်တွေအကုန်လုံးဟာ လူတွေရဲ့အခြေအနေ၊ အချိန်အခါ၊ ကာလံ၊ ဒေသံ၊ အဂံ္ဃ၊ ဓနံကို အလွန်ဂရုစိုက်ပေးပါတယ်။ အလ္လာဟ်အရှင်မြတ်ဟာ မိမိရဲ့ကျွန်လူသားတွေအပေါ် ခဝပ်ဆည်းကပ်မှုတချို့ကို စေခိုင်းထားတော်မူပြီး အဲဒီဆည်းကပ်မှုကိုဆောက်တည်ဖို့၊ တာဝန်ချဖို့ မစွမ်းဆောင်နိုင်သူ၊ အခက်အခဲရှိသူတွေအပေါ်မှာ တချို့သောအခွင့်အရေးတွေကိုလည်း ဖန်တီးပေးထားတော်မူပါတယ်။ الحمد لله

“ အလ္လာဟ်အရှင်မြတ်ဟာ မပြုမနေရ တာဝန်တွေ ကျေပွန်တာကို နှစ်သက်သကဲ့သို့ အခွင့်အလမ်းပေးထားတာတွေ ဆောင်ရွက်တာကိုလည်း နှစ်သက်တော်မူတယ် ” လို့ တမန်တော်မြတ် ﷺ က မိန့်မှာတော်မူထားပါတယ်။

ခြေစွပ်အပေါ် မစဟ်လုပ်ခြင်း

မစဟ်လုပ်ခြင်းဆိုတာ စွတ်စိုတဲ့လက်နဲ့ အရာတစ်ခုအပေါ် ပွတ်သပ်ခြင်းပါ။ သာသနာ့ပညတ်မှုမှာ ဖော်ပြတာက သတ်မှတ်ထားတဲ့ ခြေစွပ်ကို သတ်မှတ်ထားတဲ့ စည်းကမ်းချက်တွေနဲ့ သတ်မှတ်ထားတဲ့အချိန်အတွင်း သတ်မှတ်ထားတဲ့နည်းလမ်းအတိုင်း စွတ်စိုအောင်လုပ်ခြင်းကို မစဟ်လုပ်တယ်လို့ ခေါ်ပါတယ်။
ခရီးသည်ဖြစ်ဖြစ်၊ ခရီးသည်မဟုတ်ဘဲ ဒေသနေထိုင်သူဖြစ်ဖြစ် ခြေစွပ်အပေါ် မစဟ်လုပ်ပိုင်ကြောင်း မဇ်ဟဗ်ကြီးလေးခုလုံးက ညီညွတ်ကြပါတယ်။ ဒါပေမဲ့ စည်းကမ်းချက်တချို့တော့ ရှိပါတယ်။

ဟနဖီမဇ်ဟဗ်မှာ -
  1. ခြေစွပ်က သားရေခြေစွပ် ဖြစ်နေရပါမယ်။ သားရေမဟုတ်ခဲ့ရင်တောင် ရေမရောက်နိုင်အောင် ထူထည်းနေတဲ့ ခြေစွပ်မျိုး ဖြစ်နေရပါမယ်။
  2. ရေချိုးထိုက်ချိန်မျိုးမှာ မစဟ်လုပ်ပိုင်ခွင့် မရှိပါဘူး။
  3. ခြေစွပ်နှစ်ဖက်စလုံးကလည်း သန့်ပြန့်နေရပါမယ်။
  4. ခြေစွပ်နှစ်ဖက်စလုံးဟာ ခြေမျက်စိကို ဖုံးအုပ်ထားရပါမယ်။ တစ်နည်း ဝုဿူလုပ်ရာမှာ ဆေးကြောဖို့ အရေးကြီးခြေအစိတ်အပိုင်းအကုန်လုံး ဖုံးနေရပါမယ်။
  5. အဆိုပါ ခြေစွပ်ချည်းနဲ့လည်း လမ်းလျှောက်နိုင်ရပါမယ်။ ဖိနပ်ပါမှ လမ်းလျှောက်နိုင်တဲ့ ခြေစွပ်မျိုး မဖြစ်ရပါဘူး။
မစဟ်လုပ်ပုံကတော့ ရေနဲ့ လက်ကိုသီးသန့် စွတ်စိုအောင်လုပ်ပြီး လက်သုံးချောင်းနဲ့ ခြေစွပ်အပေါ် တစ်ကြိမ် ပွတ်သပ်လိုက်ခြင်းပါ။

ခရီးသည်ဆိုရင် သုံးရက်နဲ့ သုံးညတိုင်တိုင် ခြေစွပ်ကိုမချွတ်ဘဲ မစဟ်လုပ်ခွင့်ရှိပြီး ခရီးသည်မဟုတ်ရင်တော့ တစ်ရက်နဲ့တစ်ည မစဟ်ပြုလုပ်ခွင့် ရှိပါတယ်။

ဝုဿူပျက်စေတဲ့အရာတွေနဲ့ သတ်မှတ်ချိန် ကုန်ဆုံးသွားတာရယ်၊ ခြေစွပ်ချွတ်လိုက်တာရယ်တို့ကြောင့် မစဟ်ပျက်ပါတယ်။

မေးခွန်းအရ အလုပ်ရုံမှာ မစဟ်လုပ်ဖို့ အထက်ပါ အခြေအနေမျိုးတွေကို ချိန်ထိုးပြီး ခြေစွပ်အပေါ် မစဟ်ပြုလုပ်ခွင့်ရှိကြောင်း ဖြေကြားလိုက်ပါတယ်။

[/content][content]
 (မေးခွန်း-၂) 

ဟဂ်ျလုပ်တဲ့သူတစ်ယောက်ကို တမန်တော်မြတ်ကြီးဆီ ဆီစလာမ်ပို့ခိုင်းတာ ဗိဒ်အသ်လို့ ပြောနေကြပါတယ်။ ဟုတ်လားဆရာ။

မိုဟမ္မဒ် ဂျိုနိုက်ဒ် (သိုးခြံ၊ မန္တလေး)

 (အဖြေ-၂) 

မဒီနဟ်ကို ရောက်မယ့်သူတစ်ဦးဦးနဲ့ တမန်တော်မြတ်ကြီး ﷺ ထံတော်ပါးကို စလာမ်လူကြုံပါးခြင်းကိစ္စဟာ အရဗ်ပညာရှင်တွေနဲ့ အိန္ဒိယတိုက်ပညာရှင်များအကြား ကွဲလွဲမှုရှိနေပါတယ်။ အိန္ဒိယတိုက် ပညာရှင်ကြီးတွေက ကိုယ်တော်မြတ်ကြီး ﷺ ထံ စလာမ်လူကြုံပါးပြီး ပေးပို့ခိုင်းခြင်းကို ပြုပိုင်တယ်လို့ ဆိုကြပေမယ့် အရဗ်ပညာရှင်ကြီးတွေက စွဟာဗဟ်သာဝကကြီးတွေ ဘယ်သူမှ မပြုလုပ်ခဲ့ကြတဲ့အတွက် ဒီလို စလာမ်လူကြုံပါးခြင်းကို ဗိဒ်အသ်လို့ ဆိုကြပါတယ်။

အလင်းမျက်ဝန်းကနေ အကြံပြုလိုတာကတော့ -

အလ္လာဟ်အရှင်မြတ်က ကိုယ်တိုင်လည်းလုပ်တော်မူပြီး အသင်တို့လည်းလုပ်ကြလို့ စေခိုင်းထားတဲ့ တစ်ခုတည်းသောအမလ်ဟာ ကိုယ်တော့်အပေါ် စွလဝါသ်စလာမ်ပို့သခြင်းပါ။ ဒါကြောင့် ဒီအမလ်ကို အသေအချာဆုံးဖြစ်တဲ့ ကိုယ်တိုင်ပဲလုပ်သင့်ပါတယ်။ ကိုယ်မှာလိုက်တဲ့သူက မေ့သွားချင် မေ့သွားနိုင်ပါတယ်။

ဘာကြောင့်လဲဆိုတော့ ကိုယ်တော်မြတ်ကြီး ﷺ ကိုယ်တော်တိုင်က မိန့်ကြားထားပါတယ်။ “ တကယ်ပဲအလ္လာဟ်အရှင့်ထံတော်ပါးမှာ ကမ္ဘာမြေပထဝီအပေါ် လှည့်ပတ် သွားလာနေတဲ့ ကောင်းကင်တမန်တော်ကြီးတွေ ရှိနေပါတယ်။ သူတို့ဟာ ငါကိုယ်တော့်အွမ္မသ်သားတွေရဲ့ စလာမ်ကို ငါကိုယ်တော့်ဆီ အရောက်ပို့ဆောင်ပေးကြပါတယ်။ ”

နောက် သြဝါဒတစ်ရပ်မှာ “ အသင်တို့ရဲ့ နေ့ရက်တွေအထဲက ဂျုမုအဟ် (သောကြာ) နေ့ဟာ အကောင်းဆုံး နေ့ရက်ပါ။ ဒါကြောင့် အဲဒီနေ့မှာ ငါကိုယ်တော့်အပေါ် မြားမြောင်စွာ စွလဝါသ်စလာမ် ပို့သကြပါ။ ဘာဖြစ်လို့လဲဆိုတော့ အသင်တို့ ပို့သလိုက်တဲ့ စွလဝါသ် စလာမ်တွေဟာ အသင်တို့ ဘယ်နေရာမှာပဲရှိရှိ ငါကိုယ်တော့်ဆီကို ရောက်ရှိလာပါတယ်။ ”

ဒါကြောင့် အခုဒီအဖြေကို ဖတ်နေရင်း တမန်တော်မြတ်ကြီး ﷺ အပေါ် စွလဝါသ်စလာမ် ပို့သလိုက်ပါ။
اللهم صل على سيدنا محمد النبي الأمي وعلى آله وسلم تسليما ကောင်ကင်တမန်တော်ကြီးတွေ သယ်ဆောင်သွားကြပါပြီ။ နောက်ပြီး စွလာသ်ထဲမှာလည်း السلام عليك أيها النبي ورحمة الله وبكاته လို့ ရွတ်ဆိုဖြစ်ကြပါတယ်။ အဲဒီစလာမ်တွေလည်း ရောက်ပါတယ်။ အဖြေကို ကျေနပ်မယ်လို့ မျှော်လင့်ပါတယ်။

 (မေးခွန်း-၃) 

အတ်စလားမုအလိုင်ကွန်းမ်
အိရှာနမားဇ်​ဘယ်​အချိန်​ ကုန်​ဆုံးလဲ။ ည (၁၂) နာရီလား? ​နောက်​​နေ့မနက်​ ဖဂျရ်အာဇန်​မ​ပေးခင်​အထိလား?
ဖာရူးက် (ရန်ကုန်)

 (အဖြေ-၃) 

وعليكم السلام ورحمة الله وبركاته

အိရှာအ်စွလာသ်ချိန်ကုန်ဆုံးတာဟာ ဖဂျရ်ချိန် ဝင်ရောက်သွားခြင်းပါ။ မေးခွန်းပါအတိုင်းပြောရရင် နောက်နေ့မနက် ဖဂျရ်အဇာန်ပေးတဲ့အထိ၊ ဖဂျရ်ချိန်ဝင်ရောက်တဲ့အထိပါ။ ဒီအချိန်နဲ့ ပတ်သက်ပြီး မဇ်ဟဗ်(၄)ခုစလုံး ညီညွတ်ပါတယ်။ အကောင်းဆုံးကတော့ အိရှာအ်စွလာသ်ကို ညဥ့်ရဲ့သုံးပုံတစ်ပုံထက်ကို နောက်မဆိုင်းသင့်ပါဘူး။ ညဥ့်ဝက်ထိ နောက်ချရင်လည်း ပိုင်ပါတယ်။ ညဥ့်ဝက်ကျော်လွန်ပြီးနောက်မှာတော့ လိုအပ်ချိန်လို့ သတ်မှတ်ထားသင့်ပါတယ်။ ဥပမာ-အစွရ်အချိန်မှာ အစွရ်စွလာသ်နဲ့ ပတ်သက်ပြီး ထားသလိုမျိုးပါ။ ညဥ့်သုံးပုံခွဲပြီး ပထမဦးတစ်ပုံမှာ အိရှာအ်စွလာသ်ဝတ်ပြုခြင်းဟာ အကောင်းဆုံး၊ အထွတ်မြတ်ဆုံး၊ သူ့နောက် ညဥ့်ဝက်အထိ အချိန်မှာ ဝတ်ပြုခြင်းဟာ ပထမအချိန်ထက် အကျိုးကုသိုလ် နည်းသွားပါပြီ။ ဟုတ်ကဲ့၊ ညဥ့်ဝက်ထက် နောက်ကျရင်တော့ ပထမနှစ်ချိန်ထက် အကျိုးပိုလျော့သွားပါပြီ။

[/content][/2column]