ပျော်ဘွယ်အရဗီတက္ကသိုလ်ကျောင်းတော်ကြီး ( ဓာတ်ပုံ © အလင်းမျက်ဝန်း )

မန္တလေးတိုင်းဒေသကြီး၊ ပျော်ဘွယ်မြို့နယ်၊ မြို့သစ်ရပ်ကွက်အတွင်းရှိ အရဗီတက္ကသိုလ်ကျောင်းကြီးအား မီးရှိုလုပ်ကြံတိုက်ခိုက်မှုတွေနဲ့ ရင်ဆိုင်နေရတယ်လို့ စုံစမ်းသိရှိရပါတယ်။

ပြီးခဲ့တဲ့ ကြာသပတေးနေ့ (၁၄-၉-၂၀၁၇) ညပိုင်းမှာ အမျိုးသမီးကျောင်းသူများ နားနေဆောင်နှင့် ဧည့်ဆောင်အတွင်းမှ ဝရန်တာပေါ်သို့ ဓာတ်ဆီလို့ယူဆရတဲ့အရည်များပါဝင်တဲ့ ရေသန့်ဗူးတစ်လုံးအား မီးရှို့၍ ပစ်ပေါက်ခံခဲ့ရပါတယ်။

ဒါ့အပြင် ကျောင်းသူများရဲ့ အဆောင်မှူး ဆရာမထံသို့ ခြိမ်းခြောက်စာတစ်စောင် ရောက်ရှိခဲ့ပါတယ်။ ၎င်းဖြစ်စဉ်ကြောင့် လူသူ၊ အဆောက်အဦးများကို ထိခိုက်ပျက်စီးဆုံးရှုံးမှုတစ်စုံတစ်ရာ မရှိခဲ့ဘဲ အချိန်မီ ထိန်းသိမ်းနိုင်ခဲ့တယ်လို့ သိရပါတယ်။

ယမန်နေ့ (၁၈-၉-၂၀၁၇) တနင်္လာနေ့ ည (၂) နာရီဝန်းကျင်ခန့်အချိန်ကလည်း အာဂုံဆောင်ကျောင်းသားငယ်များ နားနေဆောင်နှင့် ဆရာကြီးများ နားနေဆောင်ကြားတွင် ရပ်နားထားတဲ့ ဆိုင်ကယ်နှစ်စီးအား အလစ်ဝင်ရောက် မီးရှိုခံရပြန်ပါတယ်။

“ ကျောင်းသားတွေက အလှည့်ကျ ကင်းသဘောမျိုး စောင့်ကြတယ်။ (၂) နာရီ (၁၅) လောက်ရောက်တော့ မိုးက ဖွဲဖွဲလေးရွာလာလို့ စောင့်တဲ့ကလေးတွေလဲ အဆောင်ထဲဝင်ပြီး သတိလက်လွှတ် နေလိုက်ကြတဲ့အချိန်မျိုးကို အလစ်ဝင်ပြီး လုပ်သွားတယ်။ ဆိုင်ကယ်တစ်စီးကတော့ လုံးဝကို ပျက်စီးသွားတယ်။ ” အမည်မဖော်လိုသူ ကျောင်းဆရာတစ်ပါးရဲ့ ပြောပြချက် ဖြစ်ပါတယ်။

ယခုဖြစ်စဉ်များနဲ့ပတ်သက်ပြီး သက်ဆိုင်ရာ မြို့နယ်ရဲတပ်ဖွဲ့ကို သတင်းပို့အကြောင်းကြားခဲ့ပေမယ့် အမှုဖွင့်တိုင်ကြားတာမျိုးတော့ ကျောင်းအကျိုးဆောင်အဖွဲ့ဘက်က ပြုလုပ်ထားခြင်း မရှိဘူးလို့ သိရပါတယ်။

ရဲတပ်ဖွဲ့မှ တာဝန်ရှိသူများ လာရောက်၍ ဖြစ်စဉ်အား စစ်ဆေးမှတ်တမ်းတင်မှုများ ပြုလုပ်ခဲ့သော်လည်း အခြားသော ဌာနဆိုင်ရာတွေနဲ့ ရွေးကောက်ပွဲအနိုင်ရ လွှတ်တော်အမတ်တွေအနေနဲ့တော့ ရောက်ရှိစုံစမ်းလာခြင်း တစ်စုံတစ်ရာ မရှိသေးပါဘူး။

ပျော်ဘွယ်အရဗီတက္ကသိုလ်အား ဆယ်စုနှစ်များစွာကတည်းက ဒေသခံ မြန်မာမွတ်စ်လင်မ် သာသနာ့ပညာရှင်ကြီးများက ဦးဆောင်ဖွင့်လှစ်ခဲ့ကြတာဖြစ်ပြီး လက်ရှိအချိန်မှာတော့ နိုင်ငံတွင်းဒေသအသီးသီးမှ ကျောင်းသား၊ ကျောင်းသူ ရာပေါင်းများစွာ လာရောက်ပညာသင်ယူ ဆည်းပူးနေကြပါတယ်။

၎င်းကျောင်းတော်ကြီးမှ ပြီးဆုံးအောင်မြင်သူ ထောင်ပေါင်းများစွာဟာလည်း နိုင်ငံအနှံ့သာမက ကမ္ဘာ့ဒေအသီးသီးသို့တိုင် သွားရောက်၍ သာသနာ့တာဝန်များကို ငြိမ်းချမ်းစွာဖြင့် ထမ်းဆောင်နေကြပြီး မြန်မာမွတ်စ်လင်မ်များကြားမှာ သြဇာတိက္ကမကြီးမားတဲ့ သာသနာ့ကျောင်းတော်ကြီးတစ်ခု ဖြစ်ပါတယ်။

ကျောင်းအကျိုးဆောင်အဖွဲ့အနေနဲ့ ကျောင်းအဆောက်အဦးများအား ၂၄ နာရီ စောင့်ကြည့်နိုင်ရေးအတွက် လုံခြုံရေးကင်မရာများနှင့် လုံခြုံရေးမီးများကို လုံလောက်အောင် တပ်ဆင်ခြင်း၊ ကျောင်းခြံစည်းရိုးများပေါ်တွင် ခေတ်မီ သံဆူးကြိုးများ ကာရံခြင်းကံသို့သော လုံခြုံရေးအစီအမံများကို စနစ်တကျ လုပ်ဆောင်သင့်တယ်လို့ ကျောင်းသားဟောင်းတစ်ဦးက အကြံပြုပါတယ်။

၂၀၁၃ ခုနှစ်၊ ဧပြီလအတွင်းမှာ ရန်ကုန်မြို့၊ ဗိုလ်တထောင်မြို့နယ်၊ (၄၈) လမ်းကျောင်းတွင် အငြင်းပွါးဖွယ် မီးလောင်မှုဖြစ်စဉ်တစ်ရပ် ပေါ်ပေါက်ခဲ့ပြီး ယင်းဖြစ်စဉ်ကြောင့် ဆယ်ကျော်သက်အရွယ် ကျောင်းသားကလေးငယ် (၁၃) ဦး ရင်နင့်ဖွယ် သေဆုံးခဲ့ရပါတယ်။

Mnews-03/9/17 © အလင်းမျက်ဝန်း