[2column][content]
 (မေးခွန်း-၁) 
ယာဘတို့ ဆေးခြောက်တို့ရှူထားပြီး နမားဇ်ဖတ်ခွင့်ရှိပါလား။ မူးယစ်ဆေးကို သွေးကြောထဲထိုးသွင်းပြီးရော နမားဇ်ဖတ်ခွင့်ရှိပါသလား။
သွလ်ဟာ (တိုက်ကြီး)
 (အဖြေ-၁) 
  • စွလာသ်အထမြောက်ဖို့အတွက် သန့်စင်ဖို့ အရေးကြီးပါတယ်။ သန့်ပြန့်စင်ကြယ်မှုမပါရှိဘဲ စွလာသ်ဟာပိုင်မှာ မဟုတ်ပါဘူး။ ဟဒီဆ်တော်မှာ ဝုဿူရေ သန့်စင်မှုမပါဘဲ စွလာသ်မပိုင်ကြောင်း ပါရှိထားပါတယ်။ အဲဒီ ဝုဿူရေသန့်စင်မှုဟာ တချို့သောအချက်တွေကြောင့် ပျက်သွားစေပါတယ်။ (အတွဲ-၃၈၊ အဖြေ-၂) ပါ အကြောင်းအရာအချို့ကို ပြန်လည်ဖော်ပြပေးလိုက်ပါတယ်။
  • ဝုဿူပျက်စေတဲ့အချက်တွေကတော့ -(၁) အရှေ့အင်္ဂါကနေ လေမှအပ အရာတစ်ခုခုထွက်ခြင်း သို့မဟုတ် အနောက်အင်္ဂါကနေ ထွက်ခြင်း။
    (၂) ခန္ဓာကိုယ်မှ သွေး၊ ပြည်စတာတွေ ထွက်၍ စီးတွေခြင်း။
    (၃) သွေးမထွက်ဘဲဖြစ်ပါစေ ကလေးမွေးဖွားခြင်း။
    (၄) ပါးစပ်အပြည့်အန်ခြင်း။
    (၅) သွားဖုံး၊ သွားကြားမှ ထွက်တဲ့သွေးဟာ တံတွေးထက်များပြီး တံတွေးကို လွှမ်းမိုးသွားခြင်း။
    (၆) တင်ပါးဆုံလွတ်လျက် အိပ်ပျော်ခြင်း။
    (၇) မေ့မြောသွားခြင်း။
    (၈) ရူးသွပ်သွားခြင်း။
    (၉) မူးမိုက်သွားခြင်း။
    (၁၀) အရွယ်ရောက်သူက ရုကူအ်၊ စဂ်ျဒဟ်ပါတဲ့ စွလာသ်မှာ ဟားတိုက်ရယ်မောခြင်းတို့ ဖြစ်ပါတယ်။
  • အဲဒီထဲက တစ်ခုဟာ မူးမိုက်ခြင်း ဖြစ်ပါတယ်။ လူတစ်ဦးဟာ ယာဘတို့၊ ဆေးခြောက်တို့ ရှူထားချိန်မှာ မူးဝေကာ မှိန်းမောနေတဲ့အတွက် ဝုဿူပျက်ပါတယ်။ ဒါကြောင့် ယာဘတို့၊ ဆေးခြောက်တို့၊ တခြားမူးယစ်ဆေးတို့ စတာတွေ ရှူရှိုက်ထိုးသွင်းထားချိန်မှာ ဝုဿူရှိမနေတဲ့အတွက် စွလာသ်အထမြောက်မှာ မဟုတ်ပါဘူး။ အဆိုပါ မူးဝေမှုတွေ ပပျောက်သွားပြီးဆိုတော့မှ ဝုဿူလုပ်ပြီး ဆောက်တည်ရပါမယ်။
  • အစ္စလာမ့် ရှရီအဟ်က မူးယစ်စေတဲ့အရာတိုင်းကို ဟရာမ်အဖြစ် တားမြစ်ထားတော်မူတဲ့အတွက် အတတ်နိုင်ဆုံး ရှောင်ရှားသင့်ပါတယ်။
 (မေးခွန်း-၂) 
ဂွလ်စွလ်ရေချိုးတဲ့အခါ လက်သည်းကြားတွေ ရေရောက်ဖို့ အရေးကြီးပါသလား။ ရှက်အပေါက်ထဲရယ်၊ နားထဲရယ်၊ အင်္ဂါအပေါက်တွေရယ်ရော ရေရောက်ဖို့ အရေးကြီးပါသလား။
စွလ်သွာန်း (မော်လမြိုင်)
 (အဖြေ-၂) 
  • ရေချိုးရာမှာ ရေရောက်ဖို့ အရေးကြီးတဲ့ အစိတ်အပိုင်းတွေဆိုတာ ခန္ဓာအစိတ်အပိုင်း အားလုံးပါပဲ။
  • ခန္ဓာအစိတ်အပိုင်းတိုင်းရဲ့ အပေါ်ယံကို ဆံချည်မျှင်တစ်ပင်မျှပင် ရေမရောက်ခဲ့ပါက ရေချိုးပိုင်မှာ မဟုတ်ပါဘူး။
  • အဲဒီလိုပဲ ချက်ပေါက်၊ စအိုဝရှိ ကျုံ့နေသောအရေပြား၊ နားနှစ်ဖက်ရှိ နားရွက်နှစ်ခု (နားအတွင်းပေါက်မပါ) အားလုံးမှာ ရေရောက်ဖို့ အရေကြီးပါတယ်။ (နားအတွင်းပိုင်းကိုတော့ မှီသမျှ မစဟ်ပြုရပါမယ်။)
  • အဲဒီလိုပဲ ဦးခေါင်းခွံသားရေ၊ မုတ်ဆိတ်မွေးအောက်တို့ကိုလည်း ရေရောက်ဖို့ အရေးကြီးပါတယ်။
  • ကျနော်တို့ ဟနဖီမဇ်ဟဗ်မှာတော့ ခန္ဓာအစိတ်အပိုင်း အပေါ်ယံထဲမှာ နှုတ်ကျင်းခြင်းနှင့် နှာခေါင်းထဲရေရှူသွင်းခြင်းလည်း ပါဝင်ပါတယ်။
  • ရေချိုးရာမှာ ဖရဿွ်သုံးခု ရှိပါတယ်။
    (၁)အာခေါင်ထိရောက်အောင်ပလုပ်ကျင်းခြင်း၊
    (၂)နှာခေါင်းတွင်းရောက်အောင်ရေရှူသွင်းခြင်း နှင့်
    (၃)ခန္ဓာတစ်ခုလုံးနေရာမလပ်ရေချိုးခြင်းတို့ ဖြစ်ပါတယ်။
[/content][content]
 (မေးခွန်း-၃) 
နမားဇ်ဖတ်တဲ့အခါ အဝတ်သန့်ဖို့ နေရာသန့်ဖို့ အရေးကြီးတယ်လို့ ကြားဖူးပါတယ်။ ရထားပေါ်က အိမ်သာဘေးလိုနေရာ၊ ဘူတာရုံလို လူစုံစိသွားလာနေတဲ့နေရာ၊ လမ်းဘေးလိုနေရာတွေမှာ ဖျာခင်းပြီးနမားဇ်ဖတ်ရင် နေရာက သန့်တယ်လို့ ပြောနိုင်ပါ့မလား။
ကိုကို (ကွင်းကောက်)
 (အဖြေ-၃) 

  • စွလာသ်ဝတ်မပြုမီ စည်းကမ်းချက် ခုနစ်ရပ်ကို လိုက်နာရပါမယ်။
    (၁) ခန္ဓာကိုယ်သန့်ရှင်းနေရပါမယ်။
    (၂) အဝတ်သန့်ရပါမယ်။
    (၃) နေရာသန့်ရပါမယ်။
    (၄) အရှက်လုံစွာ ဖုံးအုပ်ထားရပါမယ်။
    (၅) အချိန်မှန်ရပါမယ်။
    (၆) ကိဗ်လဟ်ဘက်သို့ မျက်နှာမူရပါမယ်။
    (၇) နိယသ်- စိတ်နှလုံးကနေ ရည်စူးရပါမယ်။
  • အခု မေးခွန်းပါ အချက်တွေဖြစ်တဲ့ အဝတ်သန့်ရမယ်၊ နေရာသန့်ရမယ်ဆိုရာမှာ လူအများသွားရာ ဘူတာရုံလိုနေရာမျိုး၊ လမ်းဘေးလိုနေရာမျိုး၊ ရထားပေါ်က အိမ်သာဘေးလိုနေရာမျိုးမှာရော နေရာသန့်နိုင်ပါ့ မလားပေါ့။ ကိုယ့်မှာပါလာတဲ့ အဝတ်ကတော့ သန့်ပါရဲ့။ အဲဒီနေရာတွေမှာ ခင်းလိုက်ရင်ရော မသန့်ဖြစ်သွားမလားပေါ့။
  • အညစ်အကြေး မသန့်တစ်ခုခုရှိနေတာကို တိတိပပသိရတဲ့ အခြေအနေမျိုးဆိုတော့မှ မသန့်ဖြစ်မှာပါ။ ဒီအတိုင်း လူသွားများလို့၊ အိမ်သာဘေးဖြစ်လို့ မသန့်ဖြစ်မသွားပါဘူး။ စွလာသ်ဆောက်တည်ခွင့် ရှိပါတယ်။ ဒါပေမဲ့ အိမ်သာဘေးမှာ လူဝင်လူထွက်များပြီး စွတ်စိုနေတာမျိုးဖြစ်ရင်တော့ အဲဒီနေရာမှာ စွလာသ်ဆောက်တည်ခြင်းကနေ ရှောင်ကြဉ်ရပါမယ်။
  • အိမာမ်အအ်ဇွမ် အဗူဟနီဖဟ် رحمة الله عليه ကို လူတစ်ဦးက လမ်းမှာမိုးရွာနေလို့ ရွှံ့တွေ၊ ဗွက်တွေ ပေကျံသွားတဲ့အတွက် စွလာသ်ဝတ်ပြုမဲ့အခါ ဆေးကြောဖို့ လိုအပ်ပါသလား၊ ဒီအတိုင်းရွှံ့ဗွက်တွေ ပေကျံနေလျက် စွလာသ်ဆောက်တည်ခွင့် ရှိပါသလားလို့ မေးမြန်းလာတဲ့အခါ အိမာမ်ဆပ်ကြီးက ဒီအတိုင်း ရွှံ့ဗွက်တွေပေလျက်နဲ့ပဲ စွလာသ်ဆောက်တည်ခွင့်ရှိကြောင်း အဖြေပေးခဲ့ပါတယ်။ နောက်တစ်ရက်မှာ အိမာမ်ဆပ်ကိုယ်တိုင် လမ်းက ရွှံ့တွေ၊ ဗွက်တွေ ပေကျံလာလို့ စွလာသ်ဝတ်မပြုခင် ဆေးကြောနေတာကို မနေ့ကမေးမြန်းသူက မြင်တွေ့ခဲ့တာကြောင့် အိမာမ်ဆပ်ကြီးကို ထိုပုဂ္ဂိုလ်က မေးခွန်းထုတ်ပါတော့တယ်။ အိမာမ်သခင်ကြီး မနေ့က ကျနော့်အနေနဲ့ အိမာမ်ဆပ်ကို စွလာသ်ဝတ်ပြုတော့မဲ့အခါ လမ်းကနေ ပေကျံခဲ့တဲ့ ရွှံ့ဗွက်တွေကို ဆေးဖို့အရေးကြီးလားလို့ မေးမြန်းတုန်းက အိမာမ်ဆပ်က မလိုအပ်ကြောင်း၊ ဝတ်ပြုပိုင်ကြောင်း အဖြေပေးခဲ့ပေမဲ့ ယနေ့မှာတော့ အိမာမ်ဆပ်ကိုယ်တိုင်က ပေနေတဲ့ ရွှံ့ဗွက်တွေကို ဆေးကြောနေတာဟာ ဘာကြောင့်လဲလို့ ဆိုပါလေရော။ (သူက အိမာမ်ဆပ်အဖြေနဲ့ ပြုမူပုံကို သဘောမတွေ့လို့ ပြန်လည် မေးမြန်းတဲ့သဘောမျိုး ဖြစ်ပါတယ်။) ဒါနဲ့ အိမာမ်ဆပ်က သူ့ကို ပြန်လည် ရှင်းပြလိုက်လေသည်။ မနေ့က အသင့်ကို ဖြေကြားလိုက်တာက ဖသ်ဝါပါ။ ဒီနေ့ ကျွန်ုပ် ဆေးကြောနေခြင်းက သက္ကဝါပါ။ ဆိုလိုတာက လမ်းမှာရှိနေတဲ့ ရွှံ့တွေ၊ ဗွက်တွေပေကျံရင် မဆေးကြောဘဲ စွလာသ်ဆောက်တည်ပိုင်ပါတယ်။ ဒါက ဖသ်ဝါမေးလို့ ပြုပိုင်ကြောင်း ဖြေကြားလိုက်ခြင်းပါ။ ကျွန်ုပ်ကိုယ်တိုင်ကတော့ ဒီကိစ္စရပ်ကို ပြုပိုင်ခွင့်ရှိပေမဲ့ အတတ်နိုင်ဆုံး ဆေးကြောပြီး ဝတ်ပြုပါတယ်။ ဒါကတော့ ကျွန်ုပ်ရဲ့ သက္ကဝါပါလို့ ပြန်လည်ဖြေကြားခဲ့ပါလေတယ်။
  • ဒါကြောင့် စိတ်ဒွိဟ ဖြစ်စေမဲ့နေရာတွေကို ရှောင်ကြဉ်ပြီး စိတ်သန့်တဲ့နေရာတွေကို ရွေးချယ်ကာ စွလာသ် ဆောက်တည်သင့်ပါတယ်။

[/content][/2column]