[2column][content]
 (မေးခွန်း-၁) 

မိန်းမနဲ့ ၁-နှစ်ကျော် အဆက်သွယ် ပြတ်ပြီး ပြန်ပေါင်းရင် နေကာ ပြန်ဖတ်ရပါသလား? ကောင်လေးက ကောင်မလေးရဲ့မြို့မှာ လိုက်နေတာပါ။ အဆက်အသွယ် ပြတ်သွားတဲ့ အကြောင်းကတော့ စကားများ စိတ်စိုးပြီး သူ့နေရပ်မြို့ကို ပြန်လာတာပါ။ အလင်းမျက်ဝန်းကို အစဉ်အားပေးလျက်ပါ။
ဆလီမွလ္လာ (နေပြည်တော်)
 (အဖြေ-၁) 
  • ကိုယ့်အမျိုးသမီးနဲ့ စိတ်ဆိုးပြီး အမျိုးသမီးနေတဲ့ မြို့ရွာဒေသကနေ မိမိမြို့ရွာဒေသကို ပြန်သွားပြီး အဆက်အသွယ်မလုပ်ဘဲနေတာနဲ့ နိကာဟ်မပြတ်ပါ။ ဒါကြောင့် နိကာဟ်ပြန်ဖတ်ဖို့ မလိုပါဘူး။ စိတ်ပြေသွားလို့ ပြန်ပေါင်းလိုတဲ့အခါ ဒီအတိုင်း ပြန်ပေါင်းလို့ ရပါတယ်။
  • ဒါပေမဲ့ အမျိုးသားက မိမိဇနီးသည်အနားကို မလာတော့ဘူး၊ မကပ်တော့ဘူးလို့ ကစမ်ကျိန်ဆိုမိရင်တော့ အောက်ပါအာယသ်တော်နဲ့ ရှင်းလင်းချက်တွေကို လေ့လာပါ။ ဒါကို အီလာအ် လုပ်တယ်လို့ ခေါ်ဝေါ်ပါတယ်။
  • မိမိတို့၏ ဇနီးမိန်းမများနှင့် (ကာယသံသဂ္ဂ အမှုပြုကြမည် မဟုတ်ပါဟု) ကျိန်ဆိုသူများအဖို့ လေးလ စောင့်ဆိုင်းခွင့်ရှိ၏။ အကယ်၍ ထိုသူတို့သည် (ထိုကဲ့သို့) ကျိန်ဆိုပြီးနောက် (၄-လအတွင်း မိမိတို့၏ ကျိန်ဆိုချက်ကို) ပြန်လည်ရုပ်သိမ်းကြပါလျှင် မုချဧကန် အလ္လာဟ်အရှင်မြတ်သည် အလွန်လွတ်ငြိမ်းချမ်းသာခွင့် ပေးသနားတော်မူသောအရှင်၊ အလွန်ကရုဏာပြုတော်မူသောအရှင် ဖြစ်တော်မူပေသတည်း။
  • အစ္စလာမ်သာသနာမထွန်းကားမီ “ ဂျာဟိလီယတ် ” အမိုက်ခေတ်တွင် အရဗ်လူမျိုးတို့သည် မိမိတို့၏ ဇနီးမိန်းမများနှင့်စပ်လျဉ်း၍ အမျက်ဒေါသထွက်သောအခါ “ ငါတို့သည်မိမိတို့၏ ဇနီးမိန်းမများနှင့် ကာယသံသဂ္ဂအမှု ပြုကြမည် မဟုတ်ပါ ” ဟူ၍ ကျိန်ဆိုလေ့ရှိကြ၏။ သို့ကျိန်ဆိုခြင်းကို “ အီလာ ” ဟူ၍ ခေါ်ဆိုကြသည်။
  • အရဗ်လူမျိုးတို့သည် “ အီလာ ” ပြုခြင်းကို “ တွလာက် ” လင်ခန်းမယားခန်း ပြတ်စဲခြင်းဟု ယူဆကြ၏၊ သို့ယူဆကြသည့်အတိုင်း ယင်းသူတို့သည် “ အီလာ ” ပြုပြီးသည့်နောက်တွင် မိမိတို့၏ ဇနီးမိန်းမများအား စားစရိတ်နှင့်တကွ အခြားပေးအပ်ရမည့် အခွင့်အလမ်းများကို ရပ်စဲလိုက်ကြ၏။
  • “ အီလာ ” နှင့်စပ်လျဉ်း၍ အရဗ်လူမျိုးတို့၏ အယူအဆ အပြုအမူများသည် မှားယွင်းလျှက်ရှိကြောင်း၊ အစ္စလာမ်သာသနာတွင် “ အီလာ ” သည် လင်ခန်းမယားခန်း ပြတ်စဲခြင်း၏ အဓိပ္ပာယ်သို့ မသက်ရောက်ကြောင်း၊ “ အီလာ ” သည် လင်ခန်းမယားခန်းပြတ်စဲရန် လမ်းကြောင်း နိဒါန်းစကားမျှဖြစ်ကြောင်း၊ သို့နိဒါန်းစကားမျှဖြစ်ပေရာ “ အီလာ ” ပြုမိသော လင်ယောက်ျားတို့သည် မိမိတို့၏ “ အီလာ ” နှင့်စပ်လျဉ်း၍ အေးအေးဆေးဆေး ရှေ့နောက်ပြန်လည် စဉ်းစားနိုင်ရန်အတွက် ၄-လ ခွင့်ပြုထားကြောင်း၊ ထိုအတောအတွင်း လင်ယောက်ျားတို့သည် မိမိတို့၏ ဇနီးမိန်းမများနှင့် အကြင်လင်မယားအဖြစ် ဆက်လက်ပေါင်းသင်းလိုက ပေါင်းသင်းနိုင်ကြောင်း၊ လင်ခန်းမယားခန်း ပြတ်စဲလိုကလည်း ပြတ်စဲနိုင်ကြောင်းများကို ထင်ရှားသိသာစေရန်အလို့ငှာ အလ္လာဟ်အရှင်မြတ်သည် ကုရ်အာန်ကျမ်းလာ မုက္ခပါဌ်တော် (၂း၂၂၆-၂၂၇) ကို ထုတ်ပြန်ပို့ချတော်မူလေသည်။ ကြည့်-(မာဂျီဒီ)။
  • “ အီလာ ” ဟူသည် အစ္စလာမ်သာသနာ မထွန်းကားမီ အမိုက်ခေတ်တွင် အရဗ်လူမျိုးတို့ မိမိတို့၏ ဇနီးမယားများအား ဒုက္ခပေးခြင်းတစ်ရပ်ပင် ဖြစ်ပေသည်။ လင်ယောက်ျားများသည် အကယ်၍ မိမိတို့၏ ဇနီးမိန်းမများကို ချစ်ခင်ကြင်နာကြသည်လည်းမရှိ၊ လင်ယူပိုင်ခွင့်လည်း မပေးလိုကြ၊ ထိုအခါမျိုးတွင် လင်ယောက်ျားများသည် “ အီလာ ” (ဝါ) ငါတို့သည် မိမိတို့ ဇနီးမိန်းမများထံသို့ ချဉ်းကပ်ကြမည် မဟုတ်ပါဟု ကျိန်ဆိုပြီး ဇနီးမိန်းမတို့အား “ လင်ရှိ မုဆိုးမ ” သဖွယ် တွဲလဲထားလေ့ရှိကြ၏။ အရဗ်လူမျိုးတို့သည် အစ္စလာမ်သာသနာ ထွန်းကားခါစ အချိန်တွင်လည်း ဖော်ပြပါအတိုင်း “ အီလာ ” လုပ်၍ ဇနီးမိန်းမတို့အား ဒုက္ခပေးလျှက်ရှိကြကုန်၏။ ထိုအခါ ကုရ်အာန်ကျမ်းလာ မုက္ခပါဌ်တော် (၂း၂၂၆-၂၂၇) သည် ကျရောက်လာခဲ့လေသည်။ ဤကား စအီဒ်အိဗ်နုအလ် မုစိုင်ယိဗ်၏ အဆိုတည်း။ ကြည့်-(ခါဇင်န်)။
  • ထို့ပြင် အကယ်၍သာ ယင်းသူတို့သည်၊ ကွာရှင်းခြင်းကိုသာ စိတ်ပိုင်းဖြတ်ကြပါလျှင် ဧကန်မုချ အလ္လာဟ်အရှင်မြတ်သည် (ထိုသူတို့၏ ကျိန်ဆိုချက်တို့ကိုလည်း) အကြွင်းမရှိ သိတော်မူသောအရှင်၊ (ထိုသူတို့၏ စိတ်ပြဌာန်းချက်များကိုလည်း) အကြွင်းမရှိ သိတော်မူသောအရှင် ဖြစ်တော်မူလေသတည်း။
  • စကားချပ်အဖြစ် ယနေ့ကာလမှာ တချို့သော ဟာဂျီတွေဟာ ဟဂ်ျဝတ်ပြုဖို့သော်လည်းကောင်း၊ အွမ္မရဟ်ပြုလုပ်ဖို့သော်လည်းကောင်း မက္ကဟ်ရွှေမြို့တော်သို့ ရောက်ရှိကြတဲ့အခါ တချို့သော ဆရာသမားတွေရဲ့ တိုက်တွန်းမှုဖြင့် ဟရမ်အတွင်း နိကဟ်အသစ် ပြန်ဖတ်ကြပါတယ်။ ဆရာသမားတွေက မြင့်မြတ်ကြောင်း အမျိုးမျိုးသော အထောက်အထားတွေ ပေးကြပါတယ်။ အလ္လာဟ်အရှင်မြတ်သခင် ထိန်းသိမ်းတော်မူပါစေ။ အလွန်ဝမ်းနည်းဖွယ်ကိစ္စတစ်ရပ်ဖြစ်ပါတယ်။ အစ္စလာမ်သာသနာမှာ မှန်ကန်တဲ့နိကဟ်တစ်ခုဟာ ဘဝတစ်လျှောက်လုံးအတွက် လုံလောက်ပါတယ်။ ကွဖ်ရ် စကားတစ်ခွန်း ပြောမိလိုက်လို့ နိကဟ်ပြတ်သွားတယ်၊ လူဟာ အမေ့အမှားနဲ့ မကင်းလို့ နိကဟ်ပြတ်သွားတယ် စသဖြင့် ပြောဆိုစည်းရုံးတာကို တွေ့ရပါတယ်။ ဒါဟာ အလွန်မှကို မှားယွင်းတဲ့ကိစ္စတစ်ရပ် ဖြစ်ပါတယ်။
  • အဲဒီလို မလိုအပ်ဘဲ နိကဟ်အသစ်လည်း ပြန်ဖတ်စရာ မလိုအပ်ပါဘူး။ ဟရမ်နယ်မြေဟာ မွန်မြတ်တဲ့နယ်မြေဆိုတာ အမှန်ပါ။ ဒါပေမဲ့ အဲဒီထွတ်မြတ်တဲ့ နေရာမှာ နိကဟ်အသစ်ဖတ်ဖို့ ကုရ်အာန်ကျမ်းရော ဟဒီဆ်တော်မှာပါ မည်သည့်ညွှန်ကြားထားချက်မှ မရှိတဲ့အတွက် ပြန်လည် ဖတ်စရာ မလိုပါဘူး။ တကယ်မွန်မြတ်ရိုးမှန်ရင် ကိုယ်တော်မြတ်နှင့် စွဟာဗဟ်ကြီးတွေအပါအဝင် ကျန် အိမာမ်ကြီးတွေ၊ သူတော်စင်ကြီးတွေ ပြုလုပ်ခဲ့ကြမှာပါ။ ဒါပေမဲ့ ဘယ်သူတစ်ဦးတစ်ယောက်ကမှ လုပ်ခဲ့ခြင်း မရှိပါဘူး။ ဒါကြောင့် ဘယ်သူက ဘယ်လောက်ပဲ တိုက်တွန်းနေပါစေ၊ မလိုအပ်ဘဲ ပြန်ဖတ်စရာ မလိုပါကြောင်း အလင်းမျက်ဝန်းမှ သတိပေးနှိုးဆော်အပ်ပါတယ်။
[/content][content]
 (မေးခွန်း-၂) 

နမာဇ်​ဖတ်​တဲ့အခါ... အအူဇိုနဲ့ ဗိစ္စမိလ်​လာကို အလ်​ဟမ်​​ရှေ့မှာ ဆိုကြပါတယ်။ ပြီးရင်​ အခြားစူရာဟ်​တွဲကြပါတယ်။ သိချင်​တာက အခြားစူရာမဆိုခင်​ ဗိစ္စမိလ်​လာ ထပ်​ဆိုရပါသလား ခမျာ...
အောင်​​အောင်​ (ရန်ကုန်)
 (အဖြေ-၂) 
  • စွလာသ် ဝတ်ပြုရာမှာ စူရဟ်ဖာသိဟဟ် မရွတ်ဖတ်မီ အအူဇုနဲ့ ဗိစ္စမိလ္လာဟ် ဆိုခြင်းဟာ စွန္နသ် ဖြစ်ပါတယ်။ စွန္နသ်ဖြစ်ကြောင်းလည်း ဖိကဟ်ကျမ်းတွေမှာ ဖော်ပြကြပါတယ်။
  • ဒါပေမဲ့ ဟနဖီဖိကဟ်ကျမ်းတွေမှာတော့ အခြားစူရဟ်တစ်ခုခုမတွဲခင် ဗိစ္စမိလ္လာဟ် ဆိုရမဲ့အကြောင်း၊ ဗိစ္စမိလ္လာဟ်ဆိုခြင်းဟာ စွန္နသ်ဖြစ်ကြောင်း စတာတွေ မဖော်ပြထားပါဘူး။ ရှာဖိအီပညာရှင်ကြီးတွေကတော့ စူရဟ်တစ်ခုခုမတွဲမီ ဗိစ္စမိလ္လာဟ်ရွတ်ဆိုကြပါတယ်။
  • ဒါကြောင့် ဗိစ္စမိလ္လာဟ်ဆိုခြင်းဟာ စွန္နသ်ဖြစ်တဲ့အတွက် မဆိုမနေရ တာဝန်တစ်ခု မဟုတ်တာ၊ ဗိစ္စမိလ္လာဟ် မဆိုခြင်းဖြင့် စွလာသ်မှာ တစ်စုံတစ်ခု လျော့နည်းခြင်း မဖြစ်တာကတော့ သေချာပါတယ်။
 (မေးခွန်း-၃) 

ဆရာ...
  1. တစ်ခါက ကျနော့်ဆီကို မိတ်ဆွေတစ်ယောက်လာပြီး သူ့အိမ်မှာ ပြဿနာတက်ပီးလာခဲ့တာလို့ ပြောပါတယ်။ ကျနော်က ပြောပါတယ်။ ဒါဆို မင်းအိမ်က လိုက်လာရင် ဘယ်လိုပြောရမလဲလို့မေးတော့ သူက မရှိဘူးလို့ပြောလိုက်ဆိုပြီး ပြောခိုင်းပါတယ်။ ဒါနဲ့ သူ့အိမ်ကလဲ တကယ်ပဲ လိုက်လာပါတယ်။ အိမ်က ပျောက်သွားတဲ့သူ ဒီကိုလာလားလို့ မေးတော့ ကျနော်က မလာဘူးလို့ ပြောလိုက်တယ်။ ဒါနဲ့ အဲ့လူက ထက်ပီး ဘာမေးလဲဆိုတော့ ကဆမ်နဲ့နော်လို့ ပြောတော့ ကျနော် ခေါင်းညိမ့်မိသွားတယ်။ အဲဒါ ကဆမ်ရဲ့ ကဖွာရာပေးရမလား ဆရာ။
  2. လူတစ်ယောက်က facebook အရမ်းသုံးတော့ သူ့ကိုယ်သူ ဒဏ်ခတ်တဲ့အနေနဲ့ပြောတယ်။ facebook သုံးရင် ငါ့ပေါ် အလ္လာဟ်လအ်နသ်လို့ ပြောတယ်။ ပြီးတော့လည်း သောဝ်ဗာဟ်လုပ်ပြီး ပြန်သုံးနေပါတယ်။ သူ့ပေါ်မှာ ကဖွာရာထိုက်လား။
ဂျိူနိုဒ် (ခေတ္တ-ထိုင်း)
 (အဖြေ-၃) 
  • ဖိကဟ်ကျမ်းတွေမှာ ကျိန်ဆိုခြင်းသုံးမျိုး ဖော်ပြကြပါတယ်။ (၁) လဂ်ဝ်- အချည်းနှီးကျိန်ဆိုခြင်း၊ (၂) ဂုမူးစ်- သိလျက်နဲ့ ဖြစ်ပြီးကိစ္စတစ်ခုကို လိမ်လည်ကျိန်ဆိုခြင်းနဲ့ (၃) မွန်အကိဒ်- အနာဂတ်မှာ တစ်ခုခုလုပ်မယ် မလုပ်ဘူးလို့ အတည်ကျိန်ဆိုခြင်းတို့ ဖြစ်ပါတယ်။
  • ပထမအမျိုးအစားကို ကုရ်အာန် (၂း၂၂၅နဲ့ ၅း၈၉) တို့မှာ လေ့လာပါ။ ကုရ်အာန်အလင်းပြကျမ်းမှ ကူးယူဖော်ပြလိုက်ပါတယ်။ [ အလ္လာဟ်အရှင်မြတ်သည် အသင်တို့၏ အချည်းနှီးသော ကျိန်ဆိုချက်များနှင့် စပ်လျဉ်း၍ အသင်တို့ကို ပြစ်ဒဏ်ပေးတော်မူမည်မဟုတ်။ သို့ရာတွင် အသင်တို့၏ စိတ်နှလုံးများက စေ့ဆော်တိုက်တွန်း၍ ကျိန်ဆိုသော ကျိန်ဆိုချက်များနှင့် စပ်လျဉ်း၍မူ ထိုအရှင်မြတ်သည် အသင်တို့ကို ပြစ်ဒဏ်ပေးတော်မူပေမည်။ အမှန်သော်ကား အလ္လာဟ်အရှင်မြတ်သည် အကြိမ်ကြိမ် လွတ်ငြိမ်းချမ်းသာခွင့် ပေးသနားတော်မူသောအရှင်၊ အလွန်ထောက်ထားညှာတာတော်မူသောအရှင်၊ ဖြစ်တော်မူပေသတည်း။ (ကုရ်အာန် ၂း၂၂၅) ]
  1. “လဃ်ဝ်” ဟူသည် မိမိ၏မှားယွင်းသောထင်မြင်ယူဆချက်အပေါ်တွင် မူတည်၍ ကျိန်ဆိုခြင်းကိုဆိုလိုသည်ဟူ၍ အိမာမ် အဗူဟနီဖဟ်သခင် မိန့်ကြားခဲ့သည်။ ဆိုလိုရင်းအနက်ကား အသင်တို့ (လိမ်လည်လိုသော စေတနာမပါဘဲ) မေ့မှား၍ကျိန်ဆိုမိသော ကျိန်ဆိုချက်များနှင့်စပ်လျဉ်း၍ အလ္လာဟ်အရှင်မြတ်သည် အသင်တို့ကို ပြစ်ဒဏ်ပေးတော်မူမည်မဟုတ်၊ သို့ရာတွင် အသင်တို့ လိမ်လည်ရန်ရည်စူး၍ ကျိန်ဆိုသောကျိန်ဆိုချက်များနှင့် စပ်လျဉ်း၍မူကား အလ္လာဟ်အရှင်မြတ်သည် အသင်တို့ကို ပြစ်ဒဏ်ပေးတော်မူလိမ့်မည်။ (ကုရ်အာန် ၅း၈၉)မှာ ဆက်လက်လေ့လာပါ။
  2. ဂုမူးစ်-သိလျက်နဲ့ဖြစ်ပြီးကိစ္စတစ်ခုကိုလိမ်လည်ကျိန်ဆိုခြင်း။ဒါကဟရာမ်ပါ။မေးခွန်းပါကိစ္စကဒီအမျိုးအစားထဲကပါ။ဒီလိုမျိုးကျိန်ဆိုတာဟာပြစ်မှုကြီးမြောက်ပါတယ်။သောင်ဗဟ်လုပ်ရပါလိမ့်မယ်။ဂမူးစ်လို့မှည့်ခေါ်ရတဲ့အကြောင်းရင်းကဒီလိုကျိန်ဆိုခြင်းဟာကျိန်ဆိုသူကိုအပါယ်ငရဲမီးထဲနစ်မြုပ်စေတဲ့ အတွက်ပါ။ ကစမ်ကျိန်ဆိုတာမမြောက်တဲ့အတွက် ကဖ္ဖာရဟ်ပေးစရာမလိုပါဘူး။ အမြန်ဆုံးသောင်ဗဟ်လုပ်ဖို့ တော့ အရေးကြီးပါတယ်။ ဒီအာယသ်တော်တွေကိုလေ့လာပါ။ (ကုရ်အာန် ၁၆း၉၄၊ ၃း၇၇)
  3. မွန်အကိဒ်-အနာဂတ်မှာတစ်ခုခုလုပ်မယ် မလုပ်ဘူးလို့ အတည်ကျိန်ဆိုခြင်း။ ဒီကစမ်ကမြောက်ပါ တယ်။ အတည်ဖြစ်ပါတယ်။ ဒါကြောင့် မိမိကျိန်ဆိုတဲ့အတိုင်းလုပ်ဖြစ်ရင် ဘာတာဝန်မှ ချစရာမလိုအပ်ဘဲကျိန်ဆိုတဲ့အတိုင်းမလုပ်ဖြစ်ရင်တော့ ကစမ်ပျက်ပြယ်သွားတဲ့အတွက် ကဖ္ဖာရဟ်ပေးရပါမယ်။ အထက်မှာဖော်ပြခဲ့တဲ့ ကုရ်အာန် ၅း၈၉ မှာပဲလေ့လာပါ။
  • နောက်တစ်ခုကတော့ မိမိကိုယ်ကိုကျိန်ဆဲခွင့် မရှိပါဘူး။ ဒါကြောင့် တစ်ခုခုမလုပ်ဖြစ်အောင် ကိုယ့်ကိုယ်ကိုယ် ကျိန်စာတိုက်လို့ မရပါဘူး။ သူရဲ့ ကျိန်စာတိုက်ခြင်းဟာကစမ်ကျိန်ဆိုတာပဲဆိုရင်တော့ အထက်ကအဖြေအတိုင်းဆောင်ရွက်ရပါမယ်။
  • တရားတော်ကကစမ်ကျိန်ဆိုခြင်းကိုလက်လွတ်စပယ် မလုပ်ဖို့ ပညတ်ထားပါတယ်။ အလ္လာ့ဟ်နာမတော်ကိုမလိုအပ်ဘဲအလွဲသုံးစားမလုပ်သင့်ပါဘူး။ဒါကြောင့် အတတ်နိုင်ဆုံးကစမ်မကျိန်ဆိုဖြစ်အောင် ထိန်းသိမ်းရပါမယ်။ ခပ်ပေါ့ပေါ့လေးမပြုမူသင့်ပါဘူး။ (ကုရ်အာန် ၆၈း၁၀)ကိုလေ့လာပါ။ နောက်ဆုံးကျိန်ဆိုဖို့ လိုအပ်ပြီဆိုရင် အလ္လာ့ဟ်နာမတော်နဲ့ပဲကျိန်ဆိုရပါမယ်။
[/content][/2column]